مـن ويـن ياحظـي،، ياحسـره ياحظـي=من وين بس (القى ضياعي) .. ومن وين؟
لا هي سمـاي ..ولاهـي الارض ارضـي=انا الغريب اللـي نشدنـي انـا ميـن؟

ما قلت احبك..لا انا احبك واباضـرب لـك مثـال=اني ذكرتك يوم حتى اهلك - وهم اهلك - نسـوك
واني شهرت أيامي البيضـا علـى سـود الليـال=واني وش اذكر ويش اخلي يومهم منـي خـذوك

دمي رشيدي..وربعي عبـس=وساسي علي راسي عصابـه
اقدارنـا ماتـجـي بـالـدس=ومقدارنـا يحسـب حسابـه
نلبس (بشوت المراجل) لبس=وكـل علـى قــدة ثيـابـة

ماقامت الحـرب لكـن مابغينـا السـلام=الارض تاخذ وتصغر لين صـارت شبـر
الصدق ماحدٍ يقوله وش تبـي بالكـلام=والادمي كل مايقصـر بعمـره .. كبـر
العمر ماهو لاحد والموت ماهـو نظـام=وابن ادم يعيـش لكـن المصيـر القبـر
مايغفر الله ذنوب الناس حسـب المقـام=الذنب هو هو لاحدن يكسر اللـي جبـر
هذي هي الناس صارت من عدام بعـدام=والفتق مايخاط حتي في سلـوك الابـر
نبني من الوهم قصر ونبتـدي بالهـدام=يعبّـر الحـزن لكنّـا مـتـى نعتـبـر
ماعـاد بوجيهنـا دم ولانقـدر نــلام=يافارس القـوم عـز القـوم ولا انثبـر
الارض وش كثر فيها من عيال الحـرام=لو نجلس نعدهم باوراق .. جف الحبـر
ماعـاد للدمـع عيـنً تستحـق المنـام=حتى السهر في عيوني صار غصب وجبر
الواحد يصلـي فروضـه بكـل التـزام=الواحد يشوف غيره ..لجل ياخـذ عبـر
مايلدغ المسلم من الجحر في كـل عـام=ولا يلحق الدم عظم اللي مايلقـى الهبـر
ياليت الانسان مخلـوق بهيكـل عظـام=ولا انخلق دون سمع ولا سمع هالخبـر
ياناس انا شفت لي ناس تعيـش بظـلام=والنور يحسب شبر واحيان يطمر شبـر
يمكن نصير او فيـا ونحلهـا باحتـرام=لكن لنا كم سنـه نبغـى شويـه صبـر