يامفزعاً قلبي من اقصاه جـاك انـت=
والله فزعلـك دون كـل الخـلايـق =
الطيب من طبعي ولا لغيرك اذعنـت=
وما همني هـرج البنـات الرقايـق =
جبل جبل مـا انثنـي لـو تلاينـت=
واكفخ بجنحانـي بـروس الشهايـق =
اخضع الربعي طيب ما شنت ما شنت=
واطّيب لهم من ريـح ورد الشقايـق =
اغض طرفي عن خطاهـم ولا بنـت=
فـي موقفـاً ينقـال تـراه بـايـق =
وعلى القلوب المجحفه ما تشاحنـت=
لا همني هـرج القفـاء والنقايـق =
انـا حقيقـه صادقـه مـا تلـونـت=
نيه سليمـه مـا ابتدعـت الطرايـق =
ممدح انا روحي ولا اقول وش كنت=
ظرف او جبرني لذكر بعض الحقايق =
عرفتني !! اسمع قصيدي ولا هنـت=
طاروق من راسي ولا هـو سرايـق =
احبهـا اشعـاري اذا فيـك لونـت=
وجه القصيد الـي بحسنـك تهايـق =
تدري لمثلك زيـن الاشعـار دونـت=
وهذا بعض نبعـي بالافكـار رايـق =
يأجمل من الضحكه على مبسم البنت=
الي بـه زينـاً علـى الغيـر فايـق =
يا عذب يا حساس من يوم لي لنـت=
بالماضي الي فات شفـت الحرايـق =
قلي بربك ؟؟ كيـف منـي تمكنـت=
وحنـا لقانـا مـا تعـدا الدقـايـق =
برموش عينك قاسـي القلـب لينـت=
الي من الصدمـات عـاف الرفايـق =
سكنت روحي يا هوى البال وأسكنت=
اهلـك وجدانـك و(اعـز) الشقايـق =
لجلك عشقة الـدار والجلـك تبينـت=
وما أخفيت سراً بالضلـوع الخفايـق =
مقسوم ربـي لـه تعبـدت وأمنـت=
انـي احبـك رغـم كـل العوائـق =
تبي الحقيقه ؟؟ كل ما قلت منك انـت=
فزعتني وابدعـت صـدق الحقايـق =