قبيلة بني رشيد - يشع نوره

مرحبـاً ياللـي يشـع النّـور مــن واهــج جبيـنـه
تقصـر الهقـوات مـن دونـك ولا تلحـق هواهـا

إطــرق الملـثـم عـلـى خــدّك وثـقّـل طرقتيـنـه
خوف لايكسف سنا خدّك سنا الشمس وضياهـا

مـن تولّـع فـي هوىمثلـك عسـى ربّــي يعيـنـه
أشهـد أنّــه طــاح بالغـبّـات وأبـعـد بــه مـداهـا

مثل راعي سابـقٍ صـوّال واعـرض لـه كمينـه
عقب زومات الرّهات أدلى يبي يقصر اخطاها

يــوم صابـتـه العـيـون النّـجـل بسـهـومٍ سنيـنـه
منك يـا ظبـي الفـلاة اللـي محـد يقـرب حماهـا

أنـت محصـول الربـيـع الـلـي تعـاقـد ياسميـنـه
وأنت منثور الورود وعطرهـا العـذب وبهاهـا

وأنـت والله جوهرة..تـاج الملـوك اللـي ثميـنـة
بيـن ربّـات الخـدور الـلـي تـزيّـن فــي خبـاهـا

المـهـا يشبـهـك فــي قــدّه ومـجـلـوده وعـيـنـه
ومـن بنـات الرّيـم خـذت إجفالهـا ويّــا حيـاهـا

وان سألت اليوم عن حالي وعـن شينـه وزينـه
بخبّـرك عـن حالـي اللـي بيّـح فـراقـك خفـاهـا

واخذك لاخر مطاف الحـزن بالنفـس الحزينـة
قـدر مـا تستحملـة نـفـس المشـقّـا مــن شقـاهـا

وأخبّرك ما يكتمـه صـدري مـن أسـرارٍ دفينـة
تكتشـف مـا تحتويـه النفـس مــن زايــد عنـاهـا

كثـر مـا فـي خافـقـي مكّـنْـت طعـنـاتٍ مكيـنـة
أسـألـك بالله نـفـسـي مـنــك لاتـقـطـع رجـاهــا

أدري إن الوقـت شيـن وقـلّـة الحـيـلات شيـنـة
وان بعض دروب لايمكن تنومـس مـن مشاهـا

لـكــن الـدّيــان لابـــدّه يــوفّــي مــنــك ديــنــه
الـوعـد والـنـاس عـنـد وعـودهـا تـبـذل وفـاهـا

الـلـئـام يـهـرّبـون الـضـيـف بـاعــذارٍ سمـيـنـه
والـكــرام ضيـوفـهـا لابـدّهــا تـاكــل قــراهــا

وانت من رؤوس الكرام اللي لهم بالنـاس بينـه
وكـل غايـة مطمعـي كلمـات يحييـنـي صـداهـا

إن قـلـبـك مـايـخـون الـعـهـد مابـيـنـي وبـيـنــه
إن صفت لك واقبلـت دنيـاك أو دارت رحاهـا