اليا مدحة أمدح مثل سالم الزير=والا سفير اهل النوايا السليمه
عبدالله اللي غير في عالم (ن) غير=كريم سبلاً ومن رجالاً كريمه
عقلاً رجيح وقلب كامل وتفكير=واسلوب يقنع كل خصيم وخصيمة
وطيب وكرم وضيوف دايم مسايير=ومجلس يقلط به رجالاً حشيمه
وياخذ ويعطي ولايحسب المخاسير=وياصل مواصيل الرجال العظيمه
وافي ويافي لرجال المناعير=ويلحق ولا يلحق وراعي عزيمه
ويشرب على يمناه من جمة البير=وميزان حق ولايحب الظليمه
اشبهه حراً تعلى على طير=كل مارتفع زاده مهابه وقيمه
واللي مايمدحه اشهدن مابه الخير=واللي يذمه اشهدنه بهيمه