الكـل يسألنـي أنـا ليـه مهمـوم=هم مـادور أنـي صـرت مجنـون
الكل يجرحني وأنـا أقـول مقسـوم=ياعلهم فـي يـوم عنـي يحسـون
بالأمس أنا بيـن النـاس محشـوم=واليـوم لا والله بالقلـب مطـعـون
هذا فيني باع وذاك اليـوم بيسـوم=أصبحت من همـي اليـوم محـزون
متى بشوف الفرح بدنيـاي بالكـوم=وأزيح همآ داخـل القلـب مغبـون
هذه حياتي صرت بالوقـت مظلـوم=اليوم ويالأمـس وبكـره يشبهـون
حتى النور أصبح وسط عيني غيـوم=ماني مثل غيـري بالليـل ينامـون
دمعي على خدي طوال الليل مرسوم=واذا أشرقت شمسي اداوي الجفـون
سؤال بالخاطـر أنـا ليـه محـروم=محروم مأني مثـل اللـي يعيشـون
متى أعيش العمر مثل باقـي القـوم=وأضحك الى منهم جائو عندي يسألون