قبيلة بني رشيد - مصافحه جديده ... الموت نظره واحد من عيونك

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - مصافحه جديده ... الموت نظره واحد من عيونك (http://ban3abs.com/aa/showthread.php?t=16583)

مصافحه جديده ... الموت نظره واحد من عيونك

السلام عليكم ورحمة الله وبركاته

قصيده متواضعه اضعها بين ايديكم

اذا المعـارك ضـرب برمـاح وسيـوف=انـت المـعـارك طاحـنـه فــي عيـونـك
االعين ولا الرمـش وخـدود و كتـوف=ولـون الـبـدر يااكـحـل العـيـن لـونـك
ومن الدلع شعرك على الخد مكشوف=ومـن الغـنـج ممـشـاك دايــم بهـونـك
أثر الجمال اليوسفـي فيـك موصـوف=واثـــر الـغــزل بالجاهـلـيـه مـتـونــك
أصل وفصل في نجد شامخ ومعروف=وأهــل الـوفـا والطـيـب مايجهـلـونـك
أنـا ادري انـك تالـي الوقـت ملـهـوف=تـنـشـد لـكــن الـنــاس مايسمـعـونـك
تنشد عن غيابي ترى حالـت ظـروف=ولانــي بنـاسـي بـرقـك ولا مـزونــك
لو قلت حسب الحب والعرف موقوف=الله يـاطـيـبـك ومـطـيــب سـجــونــك
ولو انت شاعر لـك جماهيروصفـوف=اسـمـع مـواويـلـك واغـنــي لـحـونـك
انشهـد ان كـل التعـب معـك مخلـوف=وأن الثمـر وافــي ومـالـي غصـونـك
ياجـعـل ربــي مايبيّـتـك فــي خـــوف=وتحـوش طـيـب ولا تخـيّـب ظنـونـك
واذا المعارك ضرب برمـاح وسيـوف=المـوت نـظـره واحــده مــن عيـونـك