السلام عليكم ورحمة الله وبركاته


هذه من القصايد اللي يقولون المعنى في بطن الشاعر


آمل ان تجد القبول منكم ولكم تحياتي





[POEM="font="Simplified Arabic,5,skyblue,normal,normal" bkcolor="white" bkimage="./images/backgrounds/58.gif" border="none,4,silver" type=1 line=0 align=center use=ex num="0,black""]في ليلة ً سـاريً والـدار ممطـوره=نطحت لي ذيب في عينـه ميـة نيـه
لديت صوبه ولا بانت لـي الصـوره=وأنا معي سيف مصقول(ن) وجنبيـه
عدت النظر شفت عينه صوب معموره=معمورة(ن) هاجعـة والخلـق مبليـه
قربت منه وقلـت الخلـق ماجـوره=قال ابتعد ما أنت خصم لـي بواديـه
سليت سيفي وجيتـه رادع(ن) جـوره=أنا خصم لك وبدحر جـورك وغيـه
ماهو بحق ً تمسي النـاس مذعـوره=وان كنت جازم فـانا خصمك بنديـه
وفي لحظه ً مد ذيب الليـل بشبـوره=قفى يعـاوي كسيـرً منكـوي كيـه
هرول ودبر ذليـل النفـس مكسـوره=وهاجت جموع الخلايق وارتكو ليـه
جوني الخلايق وخلو الذيب وشـروره=جوني يقولون ناوينـا ( بهـالجيـه)
احداً معه خنجـرً واحـد ً بساطـوره=واصبحت مذنب وذنبـي رد الاذيـه
سب ً وشـتم ً وكـلا ً نافـخ ً زوره=سهـم ً تعـلا وسهـمً خـاب راميـه
وأنا الذي جث عرق الشـر وجـذوره=قصو الاثـر حـدر واديكـم اثاريـه
قالو نقص الأثر في شعيب مغمـوره=لا والله الا المطـر ثبـت خطاويـه
ماغرنـي هيتـه بالعـون مسعـوره=الذيـب نـاوي ولا تجهلنـي الهيـه
والمشكله كل يفهـم حسـب منظـوره=فهموا خطا/ كـل واحـد لـه هقاويـه
ولا المساري سهاله ما بهـا خطـوره=مثل الشعـر بـس لا تقلـب معانيـه[/POEM]