عز الرياض وعز وادي حنيفة=وعز الأمارة والامور العظايم
عدل الحكم سلمان بالعز ريفه=خمسن عاماً كل ابوها غنايم
تبصر بعدله عين حين كفيفه=الطيب له والعز والمجد دايم
سلمان سيف العز والعز سيفه=عزمه قوي لاذكرو أهل العزايم
اسمه شهر بين السحاب ورفيفه=والطيب في وجهه رسم له علايم
ماكشر بوجهه لجاره وضيفه=ولا قال عن فعل المواجيب صايم
مدري رديف الخير والا رديفه=دايم ايدينه للعطايا ولايم
ولو تفتح اصدور القلوب النضيفه=تلقى اسمه معلق بقلبه وهايم
شامخ كما جبال السراة المنيفه=وافي بعهده ملحقه لوم لايم
يشهد له العارض برده وصيفه=وتشهد له افعوله اجداد وقدايم
موتي بحزنك يالنفوس الضعيفه=هذا ولد حر(ن) عن الناس شايم
هذا ولد سلطان نجد العفيفه=الى ابحر العز والطيب عايم
اللي حكمها بالسيوف الرهيفه=يشهد له التاريخ جالس وقايم
ونته وريث المجد ونته خليفه=ياحر في عالي سماء العز حايم
وانته ابو كل النفوس الشريفه=وعز الرياض ورادع اهل الجرايم