قبيلة بني رشيد - حبيبي... غير

حبيبي.. غير
============
عبدالله بن صبيح الشراري

حبيبي بعد ما شفتك حصل في حالتي تغيير

* تغير كل ما فيني بلحظة وانتي قبالي

حبيبي يابعد قلبي تحيه مني وتقدير

* تحية ود من قلبي.. لقلبك دام تحلا.. لي

حبيبي ياهوى قلبي مساء حبك صباح الخير

* تحيه شامله مني امسيها على الغالي

اشوفك وكل ما شفتك تزيد بناظري تنوير

* ألا يالله صبرني على حب (ن) بدا تالي

ألا ياناس حبي له تعدي مستوى التفكير

* اشوفه طار في عقلي ونجمه بالسما عالي

ألا ياكيف.. وحبي له تعدى مستوى التعبير

* تراكيب اللغة عجزت توصف شي في بالي

اشوفه في ميادين المحبه عن العذاري غير

* أسلهم كل ماشفته وانسى من الوله حالي

يهز بنظرة عيونه واشوف بنظرته تشفير

* تفك ارقام سريه بقلب (ن) هايم وسالي

أنا من نظرة عيونك اشوف بنظرتك تبشير

* تبشرني بغرام (ن) لك دخل في قلبي الخالي

يا زهره في بساتيني كفا.. يكفيني التعطير

* كفا بلسم دخل قلبي وفاح وبدل أحوالي

حبيبي مقصر بوصفك وعساك تمرر التقصير

* أحاول ارسم اوصافك ولكن ما تهيا.. لي

حبيبي ارفق بحالي ترى حبك بقلبي غير

* اخاف الحب يذبحـني يصير الحب قتالي