يامرحبا ترحيب غال(ن) لغالي=حيث ان الك عندي معزه وتقدير
جواب احلى من حليب المتالي=لعطف(ن) لعيالهن بالنواوير
يابن مهيد اللي جرالك جرالي=وحب بليا ملك شر بلا خير
قدمك اصخيف الروح يومي بحالي=اوماي صقار بروس الشناضير
ادلى على طلع(ن) خفق مع اجبالي=ومن ضيقته يرميله الشلو ويغير
بحرية بالوصف سو المدالي=بيضا نحر مابرقعوها الصقاقير
ومن دونها حال(ن) عريض السهالي=ومن سبته طالت علي المشاوير
وقرًيب(ن) فالك على حد فالي=وشكواي انا وياك لمسير الطير
والود قبلك كد كوى جسم حالي=وركا على قلبي كما حاضي الكير
واعرضت عن حب من اول مضالي=وجزلت عنه اجزال دلول على بير
وان كان تنشد وين زين الخيالي=اللي على خده يحط الدواوير
نشدت عنها سياستن بحتيالي=ولقيتها قبل تعنًا المداوير
وان كانها بفلوس لسوق مالي=واجيبها لو هي بسلم الدنانير
وعذراً لوجهك ياكريم السبالي=ولو اتعذر ماتفيد المعاذير

اقتباس من مشاركة راشد رباح (المشاركة 238528) صح لسان الشاعر استاذى رابح دحيلان وشكرا على نقلك الرايع