يالرشيدي ناسيٍ حق العـرب وحقـوق ربـه=هو دري بالمملكة والشعب والآ مـادري بـه
ماتذكر شرهة الطيب على شاعـر كتـب بـه=ما يخاف من الولي وشلون يسخط ويحكي بـه
قلطو شيله على حصانه وخلـوه يهـذب بـه=صم خشمك يا ولد جبه عـن اللـي بالحقيبـه
وشي يبي منا عسى جمرة فواده تلتهـب بـه=يحترق في حرته واليوم الآخـر فـي شعيبـه
وان بغا يفرش فراشه وان بغا الحبل يحطب به=من خلاه ليا خلاه ومن شطيبـه ليـا شطيبـه
لو يبي يلعـب علـى كيفـه ويلعـب ليلهبـه=ماحدٍ شافه يدادي بـه ولا مـن احـدٍ دريبـه
لعنبو حيّه رشيدي طول صوتـه يـوم عبـه=ممحـلٍ مـع كـل فـجٍ يستبيحـه ويعويبـه
ليه ما حطو علـى الحلقـوم ضبـابٍ يضبـه=لا تمـرد لا علـى لسانـه وعشّـا بالرويبـه
يالرشيدي قبل يوم العيـد كـب العيـب كبـه=من شماله لاجنوبه كـل جبـه وشتبـي بـه
لا تجـي بضلـوع عادلنـا ودب اللـي تدبـه=تدري انه قالها من غيـر لمـز ولا دري بـه
ما ندب اللـي يدبـه جـب بضلوعـه نجبـه=والله انه يا بغانا المـوت يعنـي مـا نهيبـه
لقبونـا بالرمـال وعمـنـا بولـيـد ربــه=ما شربنا كود اللي يشرب عميره مـن حليبـه
من هبوبٍ يدري التاريـخ عـن يمـة مهبـه=بس يا غافـل ترانـا تـو حطينـا النصيبـه
سدرةٍ كلّه سبايـب شجـرة فـي راس تبـه=كيف نُجبر في عزانا من مصيبـه لا مصيبـه
امتلت ضلعان جبـه وامتـلا روضـه وخبـه=تونا باول سنـه متـى يبـي يطفـي لهيبـه
يابو هامه ما تشوفه يوم فرع وانقصـب بـه=مكتفين بسنتـه مـن غيـر عبـادة صليبـه
ان بغيت الشعر لجلـج بـس لا تاكـل مطبـه=هويةٍ تبطي جروحـك مـن مطباتـه عطيبـه
والله اني خايفٍ جيب الرشيـدي ينقلـب بـه=يحترق بالمنعطف ما حوله اللـي يعتنـي بـه
بس طعني لا تشـب النـار طعنـي لا تشبـه=والولد مثلك ثقيل الروز واصلـه مـا يعيبـه
كان بالخاطر علينا شـي طـب البيـت طبـه=لا تصيبك وانت غايب والله انك ما تغدي بـه
اعتبرنا الهيبه اللي عنك يالثـور نهـرب بـه=وانت مثل الناس ما ترضـى علينـا بالغليبـه
ما تعودنا علـى جـرح المشاعـر والمسبـه=لا بـلاك الله بشـر محيّنـه قصـر نصيبـه
خصمنا وش عاد لو يخطي علينا مـا نسبـه=وا هنـي النـاس بعقولـه وبقلـوبٍ لبيـبـه
من طلع منها على هونـه يبـي يلقـا مطبـه=شيمـةٍ لعيـون اهلهـا والبعيـده والقريبـه
الحروب اللي بهـا بـرد وصلابـه لا تُهبـه=لا تجي بين الفصيل ولا تجـي بيـن الكتيبـه
خلها بالهـون تمشـي فـوق محالـه وقبـه=لا تجيب العلم الأقشر والمتاهه لا تغـدي بـه
كم دفنا من سوالـف كـل مـا تبطـي تغبـه=خلها من شان سورٍ تحتمي به واحتمـي بـه
خلها لعيون ابو عادل وفـوق الخشـم حبـه=لو تبيها يالرشيـدي مـن جذيبـه لا جذيبـه
لي معك في غابة الحره وفوق المـوج غبـه=بيـن ضلعـان المدينـه والحليفـه والقليبـه
كلنا شفنا ابـو عـادل شـب مفتـونٍ بشبـه=يمكن انه يوم قاله يحسـب انـه ينتخـي بـه
لا تلومه لو على دلالـه يفـدع فـي مشبـه=ما تشوف اللي يقود الجيش يمك ويعـدي بـه
بس فك الناس منها وخـل كـلٍ فـي مطبـه=من خلقنا مـا تعودنـا علـى نمـه وغيبـه
وان طرا لك تستخف عقول عند الناس طبـه=انتظر يا ما تشوف الشمس تطلع مـن مغيبـه