قبيلة بني رشيد - يامل عين جن في حجرها شوك.....

السلام عليكم ورحمة الله وبركاته
حبيت انقل لكم قصيدة اعجبتني للمرحوم الشاعر الكبير..سليمان بن شريم وقد قال هذه القصيدة وهو ينصح ابنه عزيز

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يامل عين جن في حجرها شوك=والقلب به عن لذة النوم دكاك
اليا دك في قلبي من الهم داكوك=جاوبت طربات الحمايم والادياك
عزي للحالك ياعزيز ونا بوك=جان الزمان اللي وطاني توطاك
امشي وكني ياعزيز بتابوك=في حبس جبار تحت حكم الاتراك
على عشير دونه الباب مصكوك=امر بيته واتعداه مناك
بابه وراه حروس ماهوب مفكوك=ومطوق دونه مكاين وشباك
وقعدت انا في تالي الوقت مملوك=دورت زمانن بين جاك وتعداك
افهم اوصاتي ياعزيز ونا بوك=دامك صغير وحامض العلم يقراك
تراه ماينفعك عمك ولااخوك=مدام ماتاخذ لزومك ابيمناك
وربعك اليا بان الخلل فيك عافوك=وقرب قريب لك من الناس يشناك
ونكثر مالك صدقوك وطاعوك=ونقل مابيديك شانت سجاياك
لو تطلب الماء عندهم جان ماسقوك=ابعد مزارك عن وطنهم ومرباك
ونطاب حضك صدقولك وزاروك=ونبار كل مايبي غير فرقاك
واليا عترض لك من صدوف النياصوك=كل تبرا منك ماهوب وياك
وهراجة المجلس اليا جيت وروك=منازل تطرب انظيرك ابدنياك
واليا قضو منك اللوازم وخلوك=تفرقو وانت احتمل كل ماجاك
واللي يجي من ربعته ريب وشكوك=احذر عنه بالحال لياك لياك
واليا جفوك اهل الوطن وستخفوك=شلع غريسك ثم هدم ركايالك
وعطهم مجازاهم اليامنهم جوك=وعلق ضميرك لاتعلم ابطرياك
والاانت لو تمشي على الرجل صعلوك=اطيب من الي تلتجيله ويطاك
خدمتك شيخ جنك العبد مبروك=ويامرك في مايشتهي ثم ينهاك
وترى الملوك الب صفولك وحبوك=اصغر خدمهم ينتقم لك وينفاك
واليا جفوك اهل الوظيفه وعافوك=خفت موازينك وكل تهقواك
جنك اسراج بوسط الحوش شبوك=واليا قضى اللازم حدا الربع طفاك[/POEM]

والقصيدة طويلة ولكن هذ جزء منها
وتقبلوا تحياتي.