قبيلة بني رشيد - محاورة بين الشاعر محمد معيوف والشاعر علي الحصني

أعزائي رواد منتدى بني عــبــس يسرني أن أقدم إليكم هذه المحاورة حامية الوطيس بين الشاعرين محمد معيوف الشويلعي الرشيدي والشاعر الحصني الحربي بمناسبة حفل تخرج ضباط من قبيلة بني رشيد من كلية الملك فهد الأمنية السنه الماضيه. واليكم المحاورة .

محمد معيوف

ياطروق القوافي يابحور القصيـــــد =حضري لي هنا والليل ليل ٍ جديـــــد
خاطبي شاعر ٍ مبدع وباسه شديــــد =يامسا الخير يالحفله وحضارها

الليلة الليلة سعوديـــــــــة=بالعاصمة حنـــــا بديناهـــــــــــا
يالشاعر اللي نيتك نيـــــة=اقرب ونكتبها ونقـــــــــراهــــــا

علي الحصني

غن وانا بغني معك والعلم زيــــــــــن=وان سمعت الكلام الزين لاتقول شيـن
صحبتك طيبة والشرط معك اربعيــــن=يامسا الخيريالحفلة وحضارهــا

ان كان جاب العلم جديــة=كل السوالف تاصل اقصاهــــــــا
كل العلوم فنون شعبيــــه=واللي معه بيتين غــنـــــــاهــــــا

محمد معيوف

كل ماشفتلي حصني ويبراه ذيـــــــب =قلت يالله تيسر له وفاله يطيــــــــــب
ان طلع له جبل والا يحدر الشعيــــب=يامسا الخير يالحفله وحضارها

ادنا حدود الشام سوريــــة=والحصني الليلة تعــــــداهــــــا
ان قلت عادي قلت عاديــة=واليا انعقد حبلك رمينــــــاهــــا

علي الحصني

انت لاانته بلا حصني ولاانته باسد=انته اللي ليا عدا الطويله قعـــــــــد
( يامحمد ) ليا جيناك دمك بــــــرد=يامسا الخير يالحفله وحضارها

هذي هوايه للهواويــــــــه=يامطيب الشام وقـــرايـاهــــــا
أهل الحليفة نارهم حيـــــه=لكن أظن الوقت طفـــــاهـــــــا

محمد معيوف

والله اني لحدك ياقليل الوفـــــــــــــوق =لين دمك يفور ولين عقلك يفـــــــــوق
اصبرو للحصيني لين طبعه يـــــــروق =يامسا الخير يالحفله وحضارها

القوم خياله ورجليـــــــــه=وعيونك الليله تحـــلاهـــــــــا
ياطيبكم يااهل الحناكيـــــه=عقب الطريق اللي توطــاهـــا

علي الحصني

انت هرجتك ماتنمل مثل العســـــــــــل =مير ما انته بداري ويش صار وحصل
صرت مثل القراد اللي بصدر الجمــل=يامسا الخير يالحفله وحضارها

يامحمد الاحكام شرعيــــه=ملزوم كل الناس ترضاهـــــا
جيراننا اهل الديره الحيــه=اليا عطانا الله عطينـــــاهـــــا

محمد معيوف

الجمل طاح والسكين فوق السنـــــــام =دون خط القصيم وقبله ام الحمـــــــام
وكل ماادق زوره قال لي ياســــــــلام=يامسا الخير يالحفله وحضارها

احكامكم ياحرب عرفيــــه=واللي يبيها الصبح يلقاهــــا
جيرانكم دايم حونشيــــــه=واليا اشحذوكم بردو ماهــــا

علي الحصني

الجمل كان طاح اكيد قبله تطيـــــــــح =وانت لاطحت مانته طايح ٍ مستريـــح
يامصوب صواب ٍ شين والا ذبيــــــح=يامسا الخير يالحفله وحضارها

أنا معي قدره ألآهيــــــــه=وآمر على الشعار وانهاهــــا
ماني بخابرهم حراميـــــه=بدوان تسرح عند معـزاهــــا

محمد معيوف

انت شايب وعمرك راح هدر وبلاش=لاتفك الوسيق ولاانت ويا الهــواش
راس ضبي ٍ على ماقيل مابه عراش=يامسا الخير يالحفله وحضارها

قدرتك يالثعلب سياسيــــه=عبر الروايات اكتشفناهـــــــا
جيرانكم والدار حربيــــــه=بدياركم ياحرب مــــرباهـــــا