سلام الله سلامٍ يندفع بالمسك والكافور=اخص ابه الذي لي وقت اناظربه ولا اشوفه
الا يالشاعر اللي تو ماوصلك معاي الدور=تجهز للرحيل ولا تقول فلان وضروفه

هلا يامرحبا ترحيبةٍ ماني بها مجبور=تناوشها جنون مفلته وجنون مكتوفه
مقابيل الليالي تكشف المتخبي المستور=عساها ماتمر الغافل مع الوقت وتطوفه

هلابك يالولد سلمان لو قصر المسا مهجور=على سمن وعسل والقصر عادت يمه ضيوفه
مصير الحي يلقى الحي والكاسر لقى المكسور=وعسى الجاهل يعرف العلم والاوتار معزوفه

كذا ولا كذا مافيك زود ولا عليك قصور=على سمن وعسل ولا على حاجات معروفه
مصير الحي يلقى الحي لكن مانته بمعذور=على الدنيا وجيه مقنعه ووجيه مكشوفه

ضعيف العرف لايعكس كلام الناس دون شعور=واذا يبغى يمشيها يمشيها على كتوفه
الا ياصاحبي قلي كم القيمه كم الطابور=عسى اللي يفعل التقطيع زين يجيه مصروفه

ليا فكيت حلقك للعرب لا تامن الخابور= شواربك مهلوسه عنوه ولحيتك منتوفه
أبا أعلقك بالمعلاق وأقطعك بالساطور=ولا منك زعلت وضقت طق براسك الطوفه