قصيده نقلتها لكم اتمنى ان تنال رضاكم

عزالله أني للوصل جيـت مشتـاق=شوق الغريب اليا سمع نوح ورقـا
جيتك وشوقك مزبن القلب لاضـاق=جيتك غلا وأصفى من الشهد وانقـا
جيتك قصيد وحب واحساس واشواق=جيتك أبي وصلً بالاحسـاس يرقـا
ياهاجسي واللي رفع سبع الاطبـاق=واحيا هشيمً مـن سحـابً وبرقـا
انك بعيني فـوق هامـات الآفـاق=مالك شريـكً .. لا شمـالً وشرقـا
حبـك بدمـي بالشراييـن ينسـاق=وغلاك ثابت داخلـي بكـل عرقـا
لك في خفوقي دار وصروح واشراق=وبناظري وصفك علـى كـل طرقـا
يوم المفارق طعنةٍ وسـط الاعمـاق=رمحك زرقته بين الاضـلاع زرقـا
أثر الصبر لازاد بالصـدر مايطـاق=يحـرق شراييـن المعاليـق حرقـا
وأثري حصيلة كل مخلص وصّـداق=جزى الوفا .. جرح وتنكّـر وفرقـا

اقتباس من مشاركة ابوباسل (المشاركة 116535) قصيدة جميلة صح لسان الشاعر ولا هنت على النقل

اقتباس من مشاركة الهنوف (المشاركة 117073) قصيدة رائعة ابو نواف شكرا لك على النقل ووفقك الله دمت بخير أختك الهنوف