قبيلة بني رشيد - قصيدة الشاعر/ محمد سعد الرشيدي، ورد الشاعر : عطاء بندر العنزي

قام احد السفهاء بأنشا هاش تاق عبر موقع تويتر يطالب فيه بأخراج قبيلة عنزة من جزيرة العرب على خلفية قضية نواف شريف العنزي

وقال الشاعر: محمد بن سعد القلادي الرشيدي
هذه الابيات

ترى الحكومه عادله بالقوانين
ولاعندها فرق بجميع القبايل
نواف لوعنده قضية فلسطين
ماهو علشانه تسبون وايل
اللابه اللي يوم دك الميادين
تلقا ولدهم بالصفوف الأوايل
شفنا سخافه من ضعوف ومساكين
اللي تداول في قروب الرسايل
تكرم بني وايل كعام المعادين
أهل الظفر وأهل الخيول الأصايل

رد الشاعر/عطاء بندر العنزي

يابن سعد قدرك على الراس والعين
هاذي بيوتك مابها قول قايل
شاعر ومبدع والقصيده براهين
هرجك جزيل ولاتقول الهزايل
يابن الرجال الطيبين الوفيين
واهل الفعل للي عن الدرب عايل
عزالله انك من رجالن سلاطين
وستر العذاراء يوم صايل وجايل
وليا سمعتم من كلام المساكين
خله على ماقال والشك زايل
وحنا ابحكم مطوعين الشياطين
هم ذخرنا للي عن الحق مايل