قبيلة بني رشيد - اللي كلا لحم اخوه ( بحجّة ) انـه يمـون/لايامـن الحجّـة اللـي لا حضـر غابـت !

اللي كلا لحم اخوه ( بحجّة ) انـه يمـون/لايامـن الحجّـة اللـي لا حضـر غابـت !

قولوا لمـن لبّـس النّيـة سـواد الظنـون
يشوف صدق ( النوايا البيض ) وش جابت

اللي كلا لحم اخوه ( بحجّة ) انـه يمـون
لايامـن الحجّـة اللـي لا حضـر غابـت

( اخرجت كفي بياض بغير سو ) اش يبون؟
مديتهـا للسـلام ،، كفوفهـم عـابـت !!

ياما من الحكي في صدري يمـوت مغبـون
( ومبهريـن الكـلام ) ادلالهـم رابــت

طعّانتي بالظهـر ، ماهـم كفـو يفرحـون
ولا التفت لو سهـم ( جسّاسهـم ) صابـت

هذا ظلالـي وسـووا بـه علـى ماتبـون
يامن عـن ادنـاة فعـل ، اقوالهـم نابـت

مامت يوم ان صـدري مشـرع للطعـون
ومن ( قردهم ) كل طعنات الصدر طابـت

صغـار لـو انهـم باعمارهـم يكـبـرون
اصغر من الهقـوة اللـي دونهـم خابـت

باكـر ليامـن تلاقـن بالعيـون العـيـون
مارف لي جفـن ، يـوم جفونهـم هابـت

مبطي وانا ادري ب(خلاّن الرخا ) يرتعون
باوراقـي الخضـر لكـن الجـذر ثابـت

الشْجْرَة الطيّبَة .. تذري .. وهـم يعرفـون
واوراقها من لهيـب الشمـس قـد ذابـت

مـا تسـأل المستظـل بفيّهـا مـن يكـون
العابـريـن استفيّـوهـا ولا ارتـابــت

والمومس اللي (توضا كل صبـح) وتهـون
صلّت : ولكنّها، ( صلّـت ولا تابـت )
.,.