الحقيقه ما تغاربها من القعبوبي
 

هذي القصيده قالها الشاعر / ثويمر هديرس العجوني الرشيدي


يـاهجـوس الشـعـر لانـاديت لـدي صـوبي = قـربيلي وسـبحي فبحور شعـري مـده

قــربـيلي لـين أكـمـل بالشـعـر مـطـلـوبـي = ومدح اللي يسـتحق المـدح راع الرده

كـل شـاعـر له سـلـوبه ونـفـرد بسـلوبـي = والشعـر مثـل البحر جزره يخالف مده

هــاك خـطـي ثـم حـرك فـيه يـامـنـدوبــي = وصله بدر نـشـاء بسرع وسـيله وده

يمكن انه مـايـظرك حـمل هــل مكـتـوبي = من يدي لـيديك أمانه غـير ياصـل يده

وصـلـه يـم الرفـيـق اللـي يـسـد الـنوبي = عامـل(ن) بي طـيب والواجـب عـلي أعـده

يوم جيته بالظروف اللي تقص اجنوبي = قـال عندي عـن رفيقي ماتجـوزالصـده

اشهـد انه بالشـدايـد ماقـفه مـحـسـوبي = قـال قــول(ن) يـوم قـالـه والـلـه انـه قــده

لابس(ن) كل المراجـل مثـل لبس الثـوبي = شي كسب يديه وأشياء ورث أبوه وجده

والحـقـيقه ماتـغـاربها مـن القعـبـوبـي = خـابر(ن)وقـفـاتهـم وقـت الرخـاء والشـده

والله اني ماهرجت الهـرج بالمقـلـوبي = والكـلام اللـي يجي معكوس لاقـف ضده

والخـتـام الـله يغـفـر ذنـبكـم وذنـوبـي = بــالـنـهــار اللـي لابـد نــواجـهـه لابــده

يـوم كلا ًواقـف(ن) في ماقـفه مـرعـوبـي = ضايـق(ن) صدره ويـرجي مـد جـزل المـده
[/poem]

رد : الحقيقه ما تغاربها من القعبوبي
 

والحـقـيقه ماتـغـاربها مـن القعـبـوبـي = خـابر(ن)وقـفـاتهـم وقـت الرخـاء والشـده
صح اللسانك اخي نايف العجوني
واللسان الشاعر قصيده تستحق النقل