لعنبـو قصـة غــرام كــل ابـوهـا كلمتـيـن
ابتدينـا عنـد احـبـك وانتهيـنـا عـنـد بــاي
تـونـا مابـعـد مشيـنـا فالـهـوى لوخطـوتـيـن
وانتها الموضوع كله حتـى ماعـرفت وش خطـاي
انتهـى الموضـوع بكـل سهولـه تحكمـيـن
ويـن احبك ؟ويـن بعدعمري _ ويـن ساكـن فـي حشـاي ؟؟
يمكـن انـك ماوفيـتـي يــوم جيـتـي تعشقـيـن
ويمكـن انـك تحسبينـي بتبـعـك مــن دون راي
ويمكـن اصـلا ماعشقتـي بـس كنـتـي تلعبـيـن
ويمكـن انـك ماوصلتـي فـي هـواك لمسـتـواي
ويمكـن انـي ماعرفتـك فالحقيقـه ويــش تبـيـن
ويمكـن انـي خنـت نفسي..يـوم اعطيتـك وفـاي
علمينـي فالـهـوى ياجاهـلـه ويــش تعرفـيـن
تعرفيـن انـك غديتـي شي يجـري فـي دمــاي
علمينـي فالعطـاء والتضحـيـه ويــش تفهمـيـن
لعنبووو حيـك عشانـك سبـت اقـرب اقربـاي
كنـت احطـك فـي عيونـي تسرحيـن وتمرحـيـن
كنت اشيل هموم قلبك وارمـي همومـي وراي
كنت اطيـر مـن السعـاده يـوم اشوفـك تضحكيـن
كنت ذايب في هواكِ مثل سكـر وسـط ماي
كنـت نايـم فالعسـل وارسـم مـن الفرحـه سنيـن
كنت اظنك قلب عاشـق ماسكـن وسطـه سـواي
ماوعـيـت الاوانـتـِي فــي خفـوقـي تطعنـيـن
ماوعيـت الاوسيفـك بالحشا....رايـح وجـاي
ورده اي والله ورده بــس عرفـتـي تجـرحـيـن
كـل شـي فينـي جريـح الافخامـة كبريـاي
ما تأثرت بغيابك ويـش يعنـي دمعتيـن ؟؟
بكره انسى صدقيني وارجـع بكامـل -قـواي
ادري ان حنا افترقنا بـس ابفهـم حاجتيـن
علميني وش كسبتي ؟؟ وعلميني وش خطاي
اصلا الموضوع كلـه مـا تعـدى كلمتيـن
التقينا عند ( احبك ) ,, وافترقنـا عنـد ( بـاي)