يابرق ياللي رفيفك بوح وهروج = بأطراف غيم ٍ سرى به طول ليله
نوضك يشق الظلام ويطوي فجوج = ويبل كبد السنين اللي محيله
عالي ولك في سماك أحلام وبروج = غالي ولك فالعيون أكبر قبيله
ساري وكنك من الأيام مزعوج = يشكي لك الليل هم وتشتكيله
بوحك أحسه بقلب ٍ من ورا العوج = زمدله كل شوفي يوم أخيله
لقيت ضحكي ودمعي فيك ممزوج = وخايلت فيك الدروب المستحيله
البارحه معك قلبي كنه الموج = يصفق حنايا الضلوع اللي تشيله
نقضت جرح الزمان وحب عمهوج = وبيحت سدي وأنا راعي طويله
مالي على اللي مضى غايات وسروج =انكفت يوم انكف اللي غاب خيله
من لا شلع ضرسه اللي صار ملجوج = ما ارتاح لو شد طول العمر حيله
يابرق لون الشفق بين كما الروج = بشفاه بنت ٍ مواريها جميله
لو طول البوح ذوب بالحشاثلوج = وحرك نسيم الهوى غضن الخميله
تصبح على خير واللي ضاق مفروج = خلك مع الغيم سبارودليله

اخوي سلطان العايضي

صح لسان الشاعرالمبدع/ زعل الرشيدي

ولاهنت على النقل الرائع والمميز

ولك تحياتي