(( انا .. والذيب .. والليله الممطوره .. ))
 

[POEM="font="Simplified Arabic,5,tomato,bold,normal" bkcolor="transparent" bkimage="./images/backgrounds/26.gif" border="none,4,gray" type=1 line=0 align=center use=ex num="0,black""]في ليلة ً سـاريً والـدار ممطـوره=نطحت لي ذيب في عينه ميـة نيـه
لديت صوبه ولا بانت لـي الصـوره=وأنا معي سيف مصقول(ن) وجنبيـه
عدت النظر شفت عينه صوب معموره=معمورة(ن) هاجعة والخلـق مبليـه
قربت منه وقلـت الخلـق ماجـوره=قال ابتعد ما أنت خصم لـي بواديـه
سليت سيفي وجيته رادع(ن) جـوره=أنا خصم لك وبدحر جـورك وغيـه
ماهو بحق ً تمسي النـاس مذعـوره=وان كنت جازم فانا خصمـك بنديـه
وفي لحظه ً مد ذيب الليـل بشبـوره=قفى يعـاوي كسيـرً منكـوي كيـه
هرول ودبر ذليل النفـس مكسـوره=وهاجت جموع الخلايق وارتكو ليـه
جوني الخلايق وخلو الذيب وشروره=جوني يقولـون ناوينـا ( بهالجيـه)
احداً معه خنجـرً واحـد ً بساطـوره=واصبحت مذنـب وذنبـي رد الاذيـه
سب ً وشتـم ً وكـلا ً نافـخ ً زوره=سهم ً تعـلا وسهـمً خـاب راميـه
وأنا الذي جث عرق الشـر وجـذوره=قصو الاثـر حـدر واديكـم اثاريـه
قالو نقص الأثر في شعيب مغمـوره=لا والله الا المطـر ثبـت خطـاويـه
ماغرنـي هيتـه بالعـون مسعـوره=الذيـب نـاوي ولا تجهلنـي الهيـه
والمشكله كل يفهم حسـب منظـوره=فهموا خطا/ كل واحـد لـه هقاويـه
ولا المساري سهاله ما بها خطـوره=مثل الشعر بـس لا تقلـب معانيـه [/POEM]

منقول