قبيلة بني رشيد - قصيدة الشاعر صويان صالح في حفلة التنميه الاجتماعيه بفيضة اثقب

القى الشاعر صويان صالح الرشيدي هذي القصيده بمناسبة حفل التنميه الاجتماعيه بقرية فيضة اثقب يوم الاثنين 6/2/1435ه

يامرحبا ترحيبتً تشرح البال
بضيوف حايل كلها وامراها
بارض الوطن تمشون وانتم لها رجال
حكام نجدً عزها من ذراها
انتم ضيوف العز وانتم لنا ابطال
وانتم رجال الي يذري ذراها
الله يحييكم عدد وبل همال
واعداد ماهل المطر من سماها
والله يحييكم على طيب الفال
بسعود ابو محسن مكرم لحاها
رجلً على الماجوب لو الدهر مال
رجله بعسرات المراقي رقاها
عزيز المحسن عن الطيب مامال
عساه يفهم جابتي وان قراها
ابوه محسن كاملً واف الاشبال
شبل السباع الي تقانب اعواها
اليا وقف في ماقفه يعجب البال
بعسر السنين ضيوف بيته قراها
ابن شويلع مركز العز وان قال
ماحس صفقات السموم وسناها
وانا رشيدي من اهل الخيل خيال
يوم المعارك تتدرج في رحاها
بقيادة البراك لدم شلال
يوم المغازي صدها عن هواها
طق الجنوب وطق يم اشهب الال
وجاب البويضا فود ماحدً شراها
يشهد لنا التاريخ والصدق ينقال
والكلمه العوجاء ترجع وراها
وصلات ربي عد ماهل همال
وعدت نجومً عاليه في سماها