مرض العصر
 

كل مرضان ايتعالج من السقم ويطيب.....غير مرضان التويتر وبي بي والقروب

ومايسنجر زايد مايك الواتس اب الغريب .....مالهن علاج وامراضهن وسط القلوب

يالله اني زابنك عن ترديت النصيب.....اختلط بالحق باطل وغالب ومغلوب

انخرط هالجيل في مشكلة شي عجيب.....والله اعلم وش وراء هالبلاوي من كسوب

العيون مفتحه والعقل كنه يغيب...... والاصابع تشتغل والمشاعر في هبوب

وان زهمته غافلن للنداء مايستجيب......وان جلست اتناقشه رحت صوب وهو صوب

وان ركب سيارته قام يكتب للحبيب..... انشغل خلف الدركسون والعقل امحجوب

وبتلاله مسلمن والبلاء مبداه عيب...... ابتلاه ابحادثن لامفر ولا هروب

المرض مو بالتطور والقصيده واضحه وشكرا لمرووورك