اسعد الله صباح ومساء الجميع
 

اخواني انا مروري قل بالاونه الاخيره بسبب ضروق خاصه ولكن من محبتي لكم ولشبكة عبس كل يومين او ثلاث ايام امروتصفح المواضيع وشكركم جميعا على احيا موقعكم ولكن عندي ملاحظه على مايدور في منتدى المحاوره اولا محاسبة المقصرين من اداره او اعضاء لانعترض عليها بشرط انها محاسبه في محلها وليس لها مارب اخرى ثانيا الردود بالشعر سبق وان سمحنا بان عدد الابيات لايتجاور 6 ابيات ولكن مالاحظناه بالاونه الاخير قعتو تمغطون القصيد الى 12 بيت و20 بيت وهذا منتدى محاوره لامنتدى شعر ثالثا الردود يجب ان تكون ردود طيبه بعيده عن الالفاض الهابطه رابعا المزح لانعارض عليه حيث فيه ترفيه وجذب للاخرين بشرط ان يكون مزح بري لايزعل احد كما ارجو عدم التطرق للقبيله وافخوذها الا بالكلام الطيب

اما ضيوفنا سوى وضاح اليمن او البرمكي او ي شخص نشكرهم ونكن لهم كل احترام ولكن لايفكرون ان صمتنا دايم ارجو منهم التقليل من الخزبلات اللي مالها داعي وشكر الجميع وكل عام وانتم بخير وعساكم ماتشوفون مكروه

معصي يالعمده يوم وصل الدور ابن عمك فضي البراك قعت تصدر من التعاميم النفوس عند الله وحده والله وانا اخو مزنه لوقفه اسبوع الجاي على منصة الاستجواب

اسبوع وتشوفون فضي بن براك= يومي رويسه فوق راس المنصه
ابا احرجه من بين ذولا وذولاك= اليا خلصة قصه حذفته بقصه
احاوله منا ومنا ومناك= ودخله في شي لو مايخصه ههههههههههه

الله لا يبلانا الظاهر ان العود انهبل هههههههههههههه
اللحين انت تشوف الردود والمواضيع وانا لي سنة ما احد رقاني ولا عطاني وجه
ولازم نغصبك على الطيب ههههههههههه



الله يسهل لك ظروفك ويرفاك = وتعيش سالم من جميع الذنوبي
تزور موقعنا وتنشد هذولاك = وتقرا الردود وما خفتك العيوبي
وأنا تعديت السنه ما اتعداك = امن الصبح يالين وقت الغروبي
الليل أسامر فيه مثلك وشرواك = اما من المطران والا الحروبي
والصبح أغني والطواريق تفداك = ويفدى مقامك كل شخص ٍ كذوبي ههههههههه
يا ما اذكروا لي يابو تركي مزاياك = وذكرك عن افعالك يسد الجنوبي

عاش اخو مزنه ههههههههههههههههههه
وانا بصفك والظاهر ان الامور فلت من يدين العمده ههههههههههه

والله انك تستاهل يافازع كل خير وانت يكفيك موضوع اللغز والحضور المشرف
لكن مايصير يرقي المشرفين ولا نشوف منهم احد هههههههههه والشعار الله يكون بعونه

وان شاء الله ابو صالح يغير الوضع وياخذ الختم ويغير معالمه هههههههههههههههه

هلا والله هلا بهالطله المشرقه شرفت الشبكه واعضاها في حضورك يابوتركي

والله انك غالي علينا جميع ولا ننسى مواقفك المشرفه ودروك الهام في هذا الصرح الشامخ

اسال الله لك التوفيق والعفو والعافيه كما ارجومنك عدم الانقطاع عنا تراك مهم للغايه في تحيركنا للامام

حياك الله مره اخرى وجميع توجيهاتك اعتبرها منفذه ياطويل العمر

تقبل تحيات اخوك المعزب