|
هدية للمنتدا
هذي هدية لمنتدانا العزيز عبس
===== يامـحـتري حـظـــك يســـنــع أمـورك خــله وراك وســـــو مـاتـسـتـطــيعـه وأؤمـن بمـن يـعـلـم بخـافـي شعورك ويـعـلـم بماتـخـفــي النـفـوس وتذيعه إكرب حزامك وإسع وأثبت حضورك والـوقـت لـومـاطـــاع لازم تـطـيـعــه أنت الـذي تـجـلـب وتطـرد سـرورك ولـوكـان بيـد النـاس راحـت تبـيـعـه كـم حـاسـد ٍ يسعـى يخفــي ظهورك ولـوكـان بيـدينـه رثـع بـك رثـيـعــه وأنـصـحـك لاتـبـكي ذوابـل زهورك إزرع وإسـق الــزرع يرجع ينيعــه وســو اللـي ببــالك لـياجــاك دورك من دورة الأيـام وإغـنـــم ربـيـعـــه وتـواضـع وبالك تموت بـغـــرورك ولاتصير لأصحاب الـدراهم تبيعــه بالك تطـفل تعـطـي الناس شــورك خــلك رزين ونظـــرتـك للـطـلـيعـه ولاتصــبح بكلـمـه تلاطــم بحورك خلك حليم وخل نفــســـك وسـيعـه وخلك فطـن متغـافل ٍفي حضـورك ولاتآمن أصحـاب العـلـوم الشنيعه والصـبر للـي خـافي ٍعـنـك نورك ولابـد راعـــين الســــوالـف تذيعه |
أنت الـذي تـجـلـب وتطـرد سـرورك
صحيح ،، وصح لسانك يامرزوق والله يرزقك على قد نيتك هههههه |
اسمع يارويشدووه
لا تقوم تخطفني ابعطيك معلومه شكسبير https://fbcdn-sphotos-b-a.akamaihd.n...45301558_n.jpg وصح بدنك ااووه |
ولاتصــبح بكلـمـه تلاطــم بحورك خلك حليم وخل نفــســـك وسـيعـه وخلك فطـن متغـافل ٍفي حضـورك ولاتآمن أصحـاب العـلـوم الشنيعه صح لسانك ابيات جزله من شاعر جزل للأمانه ابيات راقيه بمعنى الكلمه إسمح لي ان ابدي إعجابي بالقصيده ننتظر جديدك |
اسير الشوق الغالي
الله يخليك هذي الابيات اللي اخترت هي الزبدة خاصة التغافل يازينه الايام هذي ههه والله انك شاعر مانت بسيط وش يقربلك نواف ابن فيصل ههه امزح شكرا على مدحك وهذا من حسن منطوقك ووذوقك الراقي |
صح السانك مدد بلا عدد
حكيم يامرزوق |
المهيمزي
انت من خوالي ونقولك صح بدنك ياخال والحكمه توخذ احيانا من افواه المجانين واعتبني منهم لين تربطوني هههه والله يقبلك ونشوفك مع الحجيج السنه هذي |
وازع وسق الزرع يرجع ينيعه
الله الله صح لسانك اربط وهاجم بقوووه هههههه |
| الساعة الآن +4: 06:13 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
