قبيلة بني رشيد - قصيدة الشاعر محمد بن حسين المويزري في احتفال قبيلة الرشايدة بحضور أمير دولة الكويت

http://bani-3abs.com/uup//uploads/im...2549fefe8b.jpg

http://bani-3abs.com/uup//uploads/im...c48ad0f204.jpg

http://bani-3abs.com/uup//uploads/im...3d0cc6eaa1.jpg

قصيدة الشاعر الكبير محمد بن حسين المويزري في حفل قبيلة الرشايده والمقام على شرف أمير الكويت الشيخ صباح الاحمد حفظه الله ورعاه

،

،

الشعر ديوان العرب والبطولات
والمدح راس الشعر وامر وادها

وإن كان ما هزيت فيه المنصات
ولا عسى أمك للخلف في ولدها

والليلة الليلة طرقنا الجزيلات
بحضور شيخان الكويت وسندها

يامرحبا يا أميرنا من مسرات
ترحيبةٍ ماننتهي من مددها

سقيتها من زاكي العود نفحات
وبأغلى الجواهر خاطري لك نضدها

ترقا لمقامك يارفيع المقامات
وتصافحك وتشوم لك من رشدها

صباح الأحمد فخرنا بالقيادات
سليل حكام الكويت و عمدها

هام الصباح وماتطاولك هامات
راسك قسم روس الغيوم وفردها

لاضاقوا رجال السياسة بالأزمات
تقوم الحجّة على من شهدها

محنّك جولتك عن عشر جولات
تفحم خصومك لين يفتر جهدها

منك الكرم ياسيدي والمروات
ومنا الرجال اللي تنومس بلدها

بينك وبين الشعب قرب وعلاقات
وفتحت بيبانك على من قصدها

وزدت بوفاك وزدتنا بالزيارات
وأهل النكد لا عالج الله نكدها

في عهدك انعمنا أمان و زيادات
والمقبلات الخير كله وعدها

لو جاز تشبيهك بتصوير الأبيات
سحابةٍ يسبق مطرها بردها

ولانسيت اللي حضر بالسلامات
من رحلة علاجٍ حسبنا عددها

من راح نلهج بالدعا فالصلوات
والله علم حب النفوس وضمدها

نواف درع الدار ستر العفيفات
حامي حما داره وحافظ عهدها

عسى الفرح يبرالكم كل الأوقات
وعسى السنين تمدكم من جددها

الله محييكم بضف الرجالات
اللي تقدر جيتك و تحمدها

بضيافة اللي مرتكي للثقيلات
قرمٍ ليا هاز المنيفة صعدها

شيخٍ رقا بالطيب روس الطويلات
من قبل شلعة بابه ومن بعدها

محمد بن مسيلم زبون الونيّات
مقدم هل العطفا وفاتل عقدها

قبيلةٍ تشبه جبال السراوت
بوقوفها وشموخها وبجلدها

بني رشيد مخضبين الصقيلات
أشجع من استل السيوف وجردها

واكرم من يجودون عند المشحات
و اخير من كر المهار ولكدها

أمجادنا معكم لها شهود و أثبات
ويغني عن شهود (الجزيرة أسدها)

قبل الحكم والمحكمة والحكومات
وحرار (أبوجابر) يهولك هددها

من دونكم مانعترف بالسياسات
نقضي على الفتنة وهي في مهدها

يا أميرنا شعبك يناجيك من ذات
رسالةٍ بسم الكويت اعتمدها

بداية الضيعة تجمع ورايات
ومقاصدٍ تغري ويجذب زبدها

بيراً تزخرف للغشيم بشعارات
وفي بطنها سمٍ على من وردها

العاقل يقدّر وينظر بما فات
ويشوف ماخم الشعوب ولهدها

من حولنا الفتنة وتعداد الأموات
خلايقٍ سيف المعاند حصدها

الآدمي يذبح مثل ذبحة الشات
والعرض يهتك والعيون برمدها

الله يعافينا من أهل الظلالات
ويلطم هل الفتنة ومن شد يدها

فعيوننا دمعة وفالقلب حسرات
والمعتبر فيها العباير وجدها

ويمدنا بالخير رب السماوات
وكويتنا تنعم وننعم رغدها

حنا الكويتيين كفو المهمات
درع الكويت وعزها عن نكدها

وإن ضاعت الوجهة وكثرٍ الأصوات
هذي يابو ناصر رجالك و قدها

محمد المويزري