لو إن جرح (ن) صاب قلبـي يصيبـك= إنكـان ماتطـرف عيونـك بيـاديـك
هذا مثل مـن قبـل لا أمـك تجيبـك= وأنتـه مطابـق للمثـل قلتهـا فيـك
صخرت لك قلب (ن) كبر به نصيبـك= وسط النجوم الساطعه كنـت أمشيـك
ليتـك مطـول سفرتـك فـي مغيبـك= وإلا خذاك الموت مـن قبـل أخاويـك
أخير من علـم (ن) لفـا بـه قريبـك= ولا كنت أصدق هرجهم واثق (ن) فيك
لين إن شفتك شـوف ربـي حسيبـك= ولا أحد (ن) يكذب شوف عينه ويرجيك
من بعد هـذي لـك تعـازي طبيبـك= ويجبر عزاي اللـي يميتـك ويحييـك
والله لو إنك لي سكـن غيـر أسيبـك= لو كـل مملـك دافعـه فيـك لخليـك