قبيلة بني رشيد - يـكـحـلهـا ... يـعـمــيـهـا .

يـكـحـلهـا ... يـعـمــيـهـا .
=============
حـسن الشـــــــــمـري.

أبيك تحس في جرحي وحالي من بعد فرقاك
*** أبيك اتشوف ياروحي حياتي وش جرى فيها

يظل اليأس بعيوني يحاصرني هنا وهناك
*** وروحي عنك تسألني وانا ماغير أمنيها

حلمت أسنين صدقني بليلة فرحتي وياك
*** على شانك أشب النار وأبياتي أغنيها

طويل الدرب لوصالك مشيته في أمل رؤياك
*** تسابق خطوتي شوقي وأحلامي تباريها

انا من كثر ماحبك ماشوف اللي ابد يسواك
*** على هذي البسيطه حي من أولها لتاليها

اسولف عنك ياعمري يونس خاطري طرياك
*** يبان الشوق بعيوني ودمعاتي أداريها

جروح القلب وألامه تهون ومبتغاي رضاك
*** سنين العمر من بعدك ترى والله مابيها

روحي وصادق احساسي أقدمها فدا ماطاك
*** وانا من مبتدأ عمري رخيصه لك مهديها

ملكت الخافق اللي من سنين طفولته يهواك
*** وعاش سنين من أجلك على الآهات يقضيها

روحي تفترش ودك ويلحفها سنا ذكراك
*** بعد هذا وكل هذا علامك ماتراعيـــــــهـا

شربت المر من كاسك حسافه مدته يمناك
*** وانا اللي منتظر كم لي اذوق ابيوم حاليها

وانا الليله ترى مابي سوى نطقك بلن انساك
*** وانا من يمي لايهمك يكحلها يعميها ......