قبيلة بني رشيد - قصيده للشاعر محمد مبارك الرشيدي

قصيدة للشاعر محمد مبارك الرشيدي حبيت انقلها لكم واتمنى ان تنال على رضاكم واعجابكم

ياشاعر المليون حافي وظميان
جيتك ولابي روضة ف الميادين
غني وصدري ممتلي نور وايمان
والفقر فقر العلم والعقل والدين
جيتك وحامل لك رساله بعنوانف
عنوانة شعري ومضمونها يبين
من القبائل من سلالة كحيلان
من مشرق السودان من قوم صلفين
بني رشيد تعسف الانس والجان
وشعاد به وشعاد مدح السلاطين
نب نمدح السلطان ونقول سلطان
محدن معيي كل سلطان لاهين
واذا(ن) شعر الناس يوزن بميزان
ف اشعارنا ترجح بكف الموازين
يطرب لها الي خافقة دق ولهان
حلو العسل واحلى من الكرم والتين
محكمة معها دلائل وبرهان
تبري عن القلب العليل الطواعين
وياشاعر المليون حنا ف خبر كان
منسين ثم منسين منسين منسين
ما فات مات ولكن الظرف قد حان
عطني مجال وعين من لاله معين
ابا اتهقوى فوق كرسيك الآن
وفي قلبية حاسس بثورة براكين
الشجره الي طلعها ازداد وازدان
وفروعها تزهى بكل البساتين
لية انكسر فرع لها بمر الازمان
وين الحميا يا امام المصلين
حنا بدو والبدو ف الدين غشمان
ما نحفظ الا بعد دعواك آمين
نسعى للم الشمل ما بين الاخوان
وان معنا ف الباب للقول تمعين
نطرش لحمر الذود لا ما الحيا بان
وانعزهن على ظهور البعارين
واذنها بفعال سيف ونيشان
نشرب زلال وتشرب عدائنا طين
لكن تغير وضعنا وحالنا شان
يوم اندثر عصر البداوة من سنين
عزاه بدو عشقنا قود الاضعان
بس الزمن يفرض حضاره وتمدين
حنا سكنا الشرق من قبل قرنان
وحنا قطنابه ونعم المقاطين
وقامت تناهشنا مخالب ونيبان
هندوس واحباش وحثال التكارين
ويامن درى وش وضعنا بعد ذلوان
ويامن درى الهجره تودي على وين
يا سامعين القيل شيب وشبان
زبدة كلامي تنفهم للفهيمين
ان جات زله تعتبر زلة السان
والشعراء في كل وادي مهيمين
وان جا قصور انا اعتبر برضي انسان
وسبحان من يحصي عدد رمشة العين
وصلاة ربي عد رمشات الاعيان
من عصر ابونا آدم ليا حزة الحين
على نبي صادق القول سبحان
من ابعثه فينا وجعلنا مسلمين