قبيلة بني رشيد - النذالة والطيب للشاعر عبدالحكيم عبدالله المضيبري

لولا النذاله محدن يعرف الطيب ..ولافيه طيب ان كان مابه نذاله
اهم شي انك تسد المواجيب ..ولاتلتفت لاهل الحسد والعذالة
الشيب ماهو عيب ياعارف العيب ..لان اختلاف الراي ماهو عدالة
كم شاب لكن لاح في راسه الشيب .. هاذي تدابير الله جل جلاله
احيان يمكن يخطي الظن ويصيب.. المرجلة سهمة وحظ وجماله
يوم اتفـكر فـي اطـفال الانابيب .. الام وحـدة بس منهـم عياله
سبحان ربٍ يعـلم الجهر والـغيب.. اللي بـه المؤمن يعـقد اتكاله
حم الذرى معروفه من شمخ النيب.. الراس عزة نوب حبكة عقاله
الوقت يمضي والليالي تجاريب.. اللي عرف يمناه يعرف شماله
صلاة ربي عد مايعوي الذيب.. على جميع الانبياء اهل الرساله
اخص فيهم دون شك ولا ريب.. محمد الخاتم والاصحاب واله