ياشاري البندق وياشاري الجيب=خلاص مالي بالمقانيص داعي
تركتها تركت عطيب المظاريب= خلوه ربعه والامل فيه ضاعي
وقفو وهو يسمع ولايمكن ايجيب=خلوه وهو في عيونه يراعي
يشوفهم ويحس مثل اللواهيب =ينظر لهم نظرات يأس بوداعي
في موقعاً موحش قبل شمسه اتغيب =ارضن بها يتجمعن الافاعي
لو أن طاريها عن القلب مايغيب= يجيبني شوقي لها بندفاعي
اول ليا رحنا لقينا معازيب= ربعاً تهلي بالبيوت الوساعي
واليوم ماغير الخكر والحواطيب=حطو لهم فيها مكان اجتماعي
يالله عسى غر المزون المحاديب=تسقي قبور مشيدين الرباعي
اللي مماشيهم بعيده عن العيب=وتاريخهم في بذلت الطيب شاعي]