البقى عد ماهلت صدوق المخايل=فيك يالسحلي اللي جالنا مع زميله
ودي ابارك الحردان راع الهوايل=لاكن المشكله مادري من ايا فصيله ههههههههههه

احمدالله بخير وعز والراس طايل=ومارضى بالهزيله غير عرق الفشيله
بارك الله باللي ينعرف له فعايل=مادرى عن هذاك اللي بوسط النثيله

السحالي بتال الوقت صارت قبايل=لاكن ان البشر ماهي بمثل السحيله
اقدحي يازنودي في خشوم الفتايل=لينها تحترق ثم مايتبقى فتيله

يوم سقنا الركايب ليل مدري قوايل=عقبت الف خبه بين يومٍ وليله
والحيل ماتعيب متعبين الاصايل=والحباري تطير وتنختل بالخميله

مانت سايق ياسحلي غير وسط النثايل=انتبه لا توطاك الجمال الأصيله
هرجتك ماتثبتها ياسحلي دلايل=مير خلك بوسط الوادي ومع مسيله

وانت اظنك من اللي كلبوهم حمايل=عزوةً في نهار الضيق ماهي ذليله
لا احتزمت اتعرفني زين وقت الصمايل=مير لاتقترب وابعد يامومي شليله

كن طرق الشقا بين الضلوع النحايل=صوت طارٍ بحفل كليب على الجليله
يا معول ترانا سناد وقعام عايل=وان سهجنا العرب ترى اخطانا ثقيله

ودك انك تمشيها بأشد الوسايل=مير والله ياغير اتروح مالك وسيله
انت ياللي تدردش وافضحتك الرسايل=نفسك امعذبه واظن كبدك عليله

انت عندك علوم اكثار ماهي قلايل=مير مايرفع ابنفسه ياغير الهبيله
انت ودك تعدل شيء لاكن تمايل=ما انته امعدل(ن) ياسحلي الكل ميله