قبيلة بني رشيد

حبيبتي تحفه من النوع الفريد..
لجيت بمدحها اخاف اذمها..
لان المديح بها ينقص ما يزيد..
ولانها خيال وطايش وما همها..
متمرده وبعقل هارون الرشيد..
وفي الزين ما عذرى توقف يمها..
لو قستها مثلا على الجيل الجديد..
تحط حليمه بولند في كمها..
من غيها السادات سواد العبيد..
تحر وتبرك عند ركبة عمها..
ومن غيها لامن تفنت كل حيد..
وده يصير انسان لاجل يلمها..
ومن غيها حتى الدهن عود العتيد..
يسيل في يدها عشان يشمها..
ومن غيها لا من خذت نفس جديد ..
تهاوشت الانفاس على فمها..
لبيها ام الفكر ام القصيد..
لبيها من ضحكها لا غمها..
اللي بقوله الله جعله الحظ السعيد..
والله يخليها لابوها وامها..