قبيلة بني رشيد - يالله يلي تفرج الضيق والهم

هذه القصيده كتبتها بوالدي أسأل الله أن يكشف ضره ويجعل ماأصابه تكفير لسئياته ورفعه لدرجاته أنه ولي ذلك والقادر عليه
ولا تنسونه من صالح دعاكم

يالله يلي تفرج الضيق والهم = يلي كشفت الضر عن عبدك أيوب

ياواحداً تعلم وغيرك مايعلم = يـاعـالماً ماكان باللـوح مكـتوب

يامجرياً بين العضم واللحم دم = ويامحصياً خلقه قبايل مع شعوب

يالله طلبتك وأنت تقدر وتحكم = بمرك تفرح كل ضايق ومكروب

يارب تشفي والدي وأنت تعلم = تنزع وجع رجله مثل نزعة الثوب

عساه يسعد بالشفاء مايتألم = يفـرح وتفـرح معه لـحبـابه قــلوب

يارب جعل الرجل يجري بها الدم= وترجع طبيعيه ولا يجيـبهاعـيوب

عساه مايسقم ولا يصيبه الهم = وعسـاه مايحتاج من يلـبسه ثـوب

وعساه بالصحه يتهناء وينعم = وعساه يبقى بيننا مهو مكروب

فضلاً منك ياقابلاً توبة آدم = ويـاقـابلاً توبـة من يزل ويتوب

أخوكم /عبدالعزيز مفضي