يامرحبا بالضيوف وكل رجالي=ترحيبتن ماكتبها غير باديها
يامرحبا في ليالي شهر شوالي=ترحيبتن في ليال العيد نهديها
وانا كتبت القصيد ولا تهيالي=الا نوادر ابيوتن جيت اغنيها
في حفلة اللي عزيز وعندنا غالي=منصور راع الجمايل وانت راعيها
ابوك رمز الكرم ياطيب الفالي=شمر لكسب المراجل وانفرد فيها
شهادة دون شك وريب واجدالي=ان أهل الطيب ماتنسى مباديها
وقبل اختتام القصيده عندي اقوالي=نصايحن من سمعها لا يخليها
يا اعيال الأمه مكرر بالنباء العالي=النار ماتحرق الا رجل واطيها
يقوله اللي بدت له كل الاحوالي=يالربع الايام من يامن خوافيها
كم من قريبن علينا صار نزالي=في حفرتن ماحسب لحساب تاليها
ياربعنا والتهاون صار موالي=يمر وقت الصلاه ولانصليها
ياربعنا مايدوم العمر وان طالي=مادايم الا ولي العرش باريها
يالله تغفر الذنوب وترحم الحالي=وتعز الاسلام والأمه وتحميها

صح السانك ولف مبروك الزواج والفال لك
تقبل مروري