قبيلة بني رشيد - امّـي تـقول الغيد وش كثرهم غيد ..!

ثابـت تحت شـبّاك هـمّ المواعيد
................. ثوبي جديد وـكلّ حـاجـه قديمه

انا ... وعادة جيّتي .. والتناهـيد
................. ودمعات عيني .. والجروح العظيمه

وقلبي .. وحزني .. والحظوظ المقاريد
................. وعـظـامي المـتـكسّرات المهيمه

وـتوقيفة الموتر على طارف السيد
................. حسب خــطوط الشارع المستقيمه

وشريط كــل ما ينتهي يرجع يْعيد
................. ياهو نــديم مسجّلي .. يا خصيمه

وحبّات تمْر خلاص شاريه من ميد
................. لاجــل اتسنّن قـبل مشهد نقيمه

جيــنا نبارك لك على فرحة العيد................. ونرجع نجرّ اذيال مــرّ الهزيمه

ليت رمضان يكون شهرين ويزيد
................. فترة .. اعيش فراقنا في حشيمه!

الله واكبر يالاحاسيس في الايد
................. احسّ كل اطراف جسمي سقيمه!

كل عيد عقب الفجر لين التشاهيد
................. تمرّني اشياء ( ماهي ســليمه )!!

افكــار! تبريرات! اعذار! تنـديد!
................. احلام ( صحوي ) غير والنفس نيمه!

يا غـايـتي ما للشبابيك تـهـديد
................. غـيـر الطيور الـزايرات العقيمه

لا صوتها يــجـذب ولا فيه تغريد
................. ولا هي تطـمّن خاطري عن نعيمه

والـحـبّ حريّه واذا صـار به قيد
................. فـرقـاك قـيّـد بي مشاعر اليمه!

امّـي تـقول الغيد وش كثرهم غيد
................. واقـول بـعــدك ليت بالغيد قيمه!!

شـوفيني موقّـف على طارف السيد
................. ابـكـي ثـلاثـيني وروحي عـديمه

ممآآ رآآق لي ^^