قبيلة بني رشيد - حقايق ٍ مثل السيوف الرهيفه

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - حقايق ٍ مثل السيوف الرهيفه (http://ban3abs.com/aa/showthread.php?t=124848)

حقايق ٍ مثل السيوف الرهيفه

بسم الله الرحمن الرحيم
ـــــــــــــــــــــــــــ
.............

اسري مسار الذيب واهرف هريفه
وارقاء معه وليا عـوى جاوبه ذيب

لجـت اضــلوعه والجــــبال المنيفه
من عـويته في موحشات المراقيب

عـــدا بعــدها بين امـان ٍ وخــــيفه
يبا عــشاه وصـــافـيات المـشاريب

في ليلتن والبرق محلا رفيفه
برد ومــطــر وخــفيفات الهباهــيب

الــدرب وعــرن والمســافه كليفه
وعــنده تساوى بردهـا واللواهــيب

من عــلة ٍ بين الضــلوع الـنحــيفه
قـســت علي بجــارحات المخـاليب

اثارهـــا مــــرت عــلــيه طــفـــيفه
لون منها عـــارضي مشتعـل شيب

حسبي على اللي دوم مظراب سيفه
باقصى الظهر ومعانق الشك والريب

مــاكل ضـــحكه مــن قـلوب ٍ نظيفه
وماكل ناس اتجازي الطيب فالطيب

حـــقايق ٍ مـثل الســيوف الرهـــيفه
اخــذت مــنها في زمــاني تجــاريب

لي نظـــرة ٍ تبعــــد وغــايه شريفه
واموت ماشرب من اعدودن غثاريب

والعــسـر غــيث اليســر دايم رديفه
من فــضل رب ٍ عالم السر والغـيب

وانا رجــل مومن ونفــسي عــفـيفه
من خـاف ربه واطلبه صعب ٍ يخيب

الشاعر/ صلاح مطلق بن بدوي

صح لسانك ياصلاح واعتلى شانك قصيدة جزله ,تحمل صورشعريه جميله
تقبل مروري ,وتم الختم

صح السانك وعتلا شانك

وانا اتفق مع كلام اخوي بن شلال

شكرا لكم جميعا

الله..الله..الله..يا سلام ..يا سلام.. يا سلام.. عليك مبدع
صح اللسانك

ابن شلال
صح بدنك ووجودك مكسب للشعر والشعرا
اشاده اعتز فيها طال عمرك

صح بدن الجميع
واشكركم على المرور الرائع

نص راائع

تسلم ياشاعرنا

باختصار ، قصيدة ما حولها من القصايد شي !
شعر شعر شعر شعر ، ارويتنا شعر فجوزيت خيرا !
صح لسانك ، وانشهد اني من مدة ماقريت بجزالة هالقصيدة !