ويلاه من هاالهوى هذا ومن هاالغرام=يلوحني مثل لوح العاصفه للجريد



كبرت كبر الشقا فيني وزاد الهيام=طنشت.قام اشتياقي في خفوقي يزيد http://www.hailnews.net/hail/images/clear.gif




مل الجفا خافقي. حل.الوفا واستقام=نزلت حي الطعون ولاطرالي شديد http://www.hailnews.net/hail/images/clear.gif




جاورت شيخ الشقا وازعلت ريف الوئام=من يوم الاحباب صار قلوبها من حديد http://www.hailnews.net/hail/images/clear.gif




صفعت وجه السهر واطرفت عين المنام=إيقضت غفوه وقام الطرف ينزف صديد http://www.hailnews.net/hail/images/clear.gif




بلشت بلشت هل التلعه وطال الخصام=واستقزم الصلح واستفحل عناد العنيد http://www.hailnews.net/hail/images/clear.gif




لو ماتداركت من سمحه شعفت السنام=اقفا قبل مايقول انت الرديف الجديد http://www.hailnews.net/hail/images/clear.gif




قلت ايه وانت الكرامه في بطون اللئام=وانا احسب انك على صكات بقعا عضيد http://www.hailnews.net/hail/images/clear.gif




قال انت حضك ليا شديت يرخي الحزام=ماكنه الا فشق بندق ورماي صيد http://www.hailnews.net/hail/images/clear.gif




قلت ايه انا عشت ضد وعاش ضدي مرام=يطمع بي الديش ماعمري طمعت الزهيد http://www.hailnews.net/hail/images/clear.gif




اصارع الوقت واغني لسرب الحمام=حزين غربه ودمي جف وسط الوريد http://www.hailnews.net/hail/images/clear.gif




انعى سرور الطفوله قبل عشرين عام=كنت احسب اني شقي واثرني اكبر سعيد http://www.hailnews.net/hail/images/clear.gif




قال ارفع الصوت قلت ابشر بجود الكرام=وغنيت له شوق واسمعت الحضورالقصيد http://www.hailnews.net/hail/images/clear.gif




طوعت له روس عسرات المعاني حشام=وحطيت له روس عسرات المعاني عبيد


الشاعر / عبيد الداموك الرشيدي