قبيلة بني رشيد - تعبت من الطريق اللي عجزت اطوي مسافاته

تــــعـــبـــت من الطريق اللي عجزت اطوي مسافاتــه 

ومـــن طرد الســـراب اللي يشجــعـني على صـــراري

 
ومـــن كذب الخـــيال اللي عــشقـت وكـــذب لذاتــــــه 
ومـــن كــذبي عــلى نفــــــسي وتصــديقي وانا داري

 ومـــن عـــثرات حــظي لعــــنبو حــظي وعــثراتـــه 
ومـــن وقتآ يشــــــــح بفرحــــتي ويســـــاوم اسراري 

ومـــن طــــيفـــــآ تصــــــحـــيني وانا نايم زياراته 
ومــــن هالعبرة اللي تغــــرق عــــيوني ولا تمــاري

 ومــن حـــب الحــبيب وشــرهته ورضاه وسكاتــــــه
 ومــن ســـؤاله الدائم عـــن اول واخـــــر اشعـــــــاري

  
حــبيبآ مــن حــسن حــظه ما أشــك بحســــن نياتـــه
 أحبه واعــشقــــه وامـــــوت فيه وجـــــــنته نـــاري!

 
احــــبه حــــبآ اكـــــــثر مــن غـــــلاه وحـــــبه لذاته 
وحـــــتى ديرته صـــــارت تســــاوي بالغــــلا دياري

 ياليتــ اللــي يراوي تلحـــــقــه شــــفـــــه مـــــــراواته 
عـــلـى شــــــان اســتطــيع امــــيز البائع مـن الشاري 

تعــــبت ومــاقــدرت اقـــول قــــــــلبك ويش رغباته 
ســكت ومــــالحـــــقت اللي ابيه وطـــال مــشـواري

 تعبت مــن الطريق اللــي مــــشيت ومـــــن مــتأهاته
 ومــن طــرد الســراب اللــي وراءه اركــض وانا داري

الشاعر مساعد سالم هليل الرشيدي