|
طاروق ناري زعيم الشواعير ومصفي المرح
انقل لكم هذا الطاروق الذي حدث بيني وبين الشاعر العملاق مصفي المرح واتمنى ان يحوز على رضاكم زعيم الشواعير الصاحب اللي دون مايعزم على ضيفه قلط = من فوقه غيوم السما قامت تلوح بروقها وانا ليا جيت البلاد اطى على عيون القطط = واطش بالبندق حناديها على غرنوقها مصفي المرح ياراعي الضيفه لاحل الضيف في دارك غلط = اكرم مكارم عبس والا تلزمك بحقوقها دامك تفادى الرووس ماقصرت موضوعك ظبط = وبندقك ماتطش الطيور الا لاجت في سوقها زعيم الشواعير انته تقوله مـــن ردا ولاتقوله من عــبــط =اثر الحرار الـنــادره يـمـك تفك سبوقها لاتحسبنك راس وانته واحدن ضمن الرهط = مادري متى عيونك مع العالم تحصل شوقها مصفي المرح يالي تقلب في علومك مامشت معك الخطط = احفظ لسانك من هروجا ماتنش احلوقها انته ليا وضحت لي حرفك وضعت الك النقط = وحصلت الك جمله تداوي كبدك ومعلوقها زعيم الشواعير ياللي ليا من جاه علم الحق في وجهه زمط = دور على ناس ن ضبط طاروقك بطاروقها وياللي ليامن جاه لاهوبي على الجبهه فحط = تجيب لك وحده وانا اجيبلك عشره فوقها مصفي المرح لاتحسب أن المعرفه والعرف توخذ بالشنط = تختار ماركتن تعنى لين تاصل سوقها لا اعطيتك الجملة سطرك الي ملئ راسك هبط = افهم رموز السالفة واطعس مرارة ذوقها زعيم الشواعير وشلون افهم للكذوب اللي ليا قلنا نغط = مثل الزبيديه نحصلها تحت رقروقها انته وسيعه ذمتك بالرد والا بالنبط = ياللي سواة الارض يوم ن السماء من فوقها مصفي المرح عجزت للقالك مع الشعار مرواس ونمط = تارد ولكن قربتك قامت تزيد اشقوقها من قضف ذمتك البريه ليتها ماتنفرط = لوأن عينك ماتطيب الا بمعكت موقها زعيم الشواعير فـــــي كــل لـيلـه ياقصير الباع وانته تنمغط = لازم تــغــطي جبــهــتك ولاتبين فلوقها مــتــى يجي شهر رمضان وبالسلاسل تنربط = والا النشامى تكرم وذوقك ماهو من ذوقها مصفي المرح الجاهل الي كل مانشحنه بالفاظه هبط = صوابرة كن الحيا ماطب وسط اعروقها بين المطاليق العزيزه ماتشيل ولاتحط = قسمتك من بين النشاما ماتعد افروقها زعيم الشواعير انته نقصت الملح في زادك ياليننه سمط = ياللي كفيت المرجله صعب ن عليك تحوقها وانـتـه لـيـاذكرو هل النوماس يمكن تنجلط = عمارتك ماينافس قصور الشرف طابوقها |
صح السنتكم
وانت مانسقتها الا انك عارف انك متغلب على خصمك بالمعاني والجزاله بشكل عام وهذا الصحيح |
البدع
الصاحب اللي دون مايعزم على ضيفه قلط = من فوقه غيوم السما قامت تلوح بروقها الرد ياراعي الضيفه لاحل الضيف في دارك غلط = اكرم مكارم عبس والا تلزمك بحقوقها صحت السنتكم جميعا طاروق بالفعل نارري |
|
الله يعزك يامصفي زعلوك ووقفتهم |
إقتباس:
والله مالي دخل بتوقيفهم . وزعيم الشواعير طلب بالغا معرفه واعتذر من الجميع بما فيهم أنا وأنا قبلت عذره وهو لايزال متواجد معنا في معرف ثاني أبن وايل .. مشكلته بينه وبين المشرفين , بسبب حذفهم لمشاركاته الغير لايقة وتم ايقافه من الإدارة |
هذا متى صار ..؟
وعلام الشله متوقفه اعوذ بالله من شر نفسي وشر غيري ههههه |
الله يحفظك يامصفي المرح انا امزح معك ياطويل العمر شفتك حاط اساميهم وحاط علامة توقيفهم والمحاوره بينك وبين واحد منهم وحبيت انتهزها فرصه وامزح معك مزحه خفيفه يالغالي بس |
| الساعة الآن +4: 06:04 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
