طاغية بشار
 

عسى الرجال اللي لهم بالفخركار
يبقون مادام الزمن والحياتي
اهل الكرم والجود وافين الاشبار
اهل المواقف طيبين الصفاتي
مزبان من جاهم من الهم محتار
وعقب الحزن شاف الفرح والمناتي
واهل الردى يامال قصاف الاعمار
يمحون مايبقالهم ذكرياتي
واهل الحسدوالحقد عميان الابصار
اهل القلوب اللي سواة الحصاتي
ياعلهم في طاغيه مثل بشار
يلقي عليهم قصف بالطايراتي
يلين مايبقالهم ذكر بالدار
يبقون عبره مثل باق الطغاتي
من شافهم صاروا لشرواه تعبار
وعن دربهم صد القدم بالمشاتي
مادام مامنهم حصل غيرالاضرار
بالشرتسعى والهجر والشماتي
ان مرطاريهم عليه بالافكار
عكرت لين يغيرون القناتي
والا هل المعروف حلوين الاذكار
لامرطاريهم وقفت بثباتي
وحييتهم بالذكر من دون الانظار
وافز واجر الندى والصواتي
يشوقني طاري هل العز الاخيار
وامثالهم تاج على الصدر ياتي
وبمدحهم سطرت حلوات الاشعار
واجب لمن له حق في حق ذاتي

ابيات راقت لي
تسلم يمينك

مشكوووووور والله يعطيك الف عافيه

الله يعيطك العافية وصح ابدانكم ..~

نورتم متصفحي