اقتباس من مشاركة العـير (المشاركة 2770061) بعد حدووث اشتباكاات ومناوشات خطيره صبااح هذا اليووم من حزب العمده السابق ناصر خنيفر ونائبه الصعلووك على حزبي الموقر بقيادة ابوتوتو وصمام الامان زعيم الشواعير قررت ان اهجدهم ليلا وانهيهم بوقت وجيز وفيه حزه ماكانو يتوقعوون هجووم الخصم فيهاااا استلم ياناصر ومن معك جيتك يابو توتو معي سيف وسلاح=ابقصف العمده وشعار حزبه واقلب سعادة حزبه صياح وانياح=وانكبه نكبه غير عن كل نكبه ثم بعدها يبطي عظم يوم مرتاح=وتحول دموعه ويوجعه قلبه دموعه اللي تشبه دموع تمساح=وقليبه الترهيم خلاه سكبه واللي معه صعلوك من وين ماراح=ماهو بكفو وعيب صلخه وضربه والبرمكي والزيدي الهيس وضاح=مافيهم حميا وماقف وصحبه هبت على ناصر معاصير ورياح=واشتالته فوق السما وشلعت به وانا وحزبي بكمله لابس وشاح=والخصم نرعب قادته قبل رعبه القافلات تسير والكلب نباح=والشيخ ابو توتو ملك حب شعبه هذا الصحيح ومنه سد الشعر باح=لو كل رتبه تعتلي فوق رتبه

العير يبقى عير ما هوب سرساح = ولا هو بويا الحرب لو طال كعبه
القصف يا غاوي لطيار سفاح = خبير في خصمه وكبتن لسربه
وأنته بسيفك للصواريخ نطاح = يا للعجب يا ناس ما دل دربه
ما لك مع العالم مخاليب وجناح = حتى تفكك لا نشبتوا بكربه
لكن تريح يالخضر وأكل تفاح = الحرب ما هي لك ليا كنت لعبه
معروف منزالك على جمة رماح = تشيل لكن ما تحصلت شربه
ولا فيك خير ولانت كساب الارباح = والطيبه في عالمك دوم صعبه
والنشرة تكفيه عن كل الايضاح = قدام لا نكتب وش اللي بكتبه
والمجد للي حارب انمور واشباح = ناصر خنيفر فالمواقيف حربه
هذاك انا اسميه بالناس مياح = شيخ العرب ما هو بتوتو وحزبه

اقتباس من مشاركة ناصر خنيفر (المشاركة 2770218) الله يهديك ياشاعر الصعاليك العير لاتردون علاه حنا مانرد على عيره نرد على رجال بدل اسمك ونرد علاك يالعار بن هههههههههههه