قبيلة بني رشيد - يامن يبشرني ويلقى البشاره

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - يامن يبشرني ويلقى البشاره (http://ban3abs.com/aa/showthread.php?t=122460)

يامن يبشرني ويلقى البشاره

هذي قصيدة من قصائدي اهداء لكم.. وهي عندما ضاعت لي شيهانه فرخ هذا الموسم الله يعوضني بأبرك منها

يامن يبشرني ويلقى البشاره*** عز الله انه راح لي فرخ شيهان

يطرد عشاه ومصخرً في طياره*** لين ان من دونه قصر شوف الاعيان

وجدي وجود اللي عليه الخفاره***اللي دخل بالسجن ظلمً وبهتان

عليك ياطير السطا والجساره*** ياللي عنك ماني بعازي وقنعان

امرح خلاوي ماعرف وين داره***الجوع ساقه لاخدعني ولاخان

موكارها طفيت عنه الأناره***وصكيت لي من دونه اثنين بيبان

من يوم جفن العين سبل عباره***وصديت عاوي عوية الذيب سرحان

قلب المولع ولع الولف ناره***والعين هلت صافي الدمع هتان

لو الخساره مال ماهي خساره***مير الولع بعضه غريزه بالانسان

صح لسانك
عساه بشهر 3 ضاعت
اذكر احد الاشخاص يحدثني
عن شخص ضيع طيره بوقت العج
واصلا مايصلح يطلقهاا بالعج
..........
لايكون انت

صح بدنك ياكني غريب ومالك لو انا بوقت العج مستحيل اهد هي ضايعه من شهر 1 تقريبا ... شاكر لك مرورك

صح لسانك

وعسى الله يعوضك عنها

اميرة البنات صح بدنك ومشكورة على الدعوه ولاهنتي على مرورك العطر

صح السانك
وابشر بالعوض عندي لمحه تافي بالغرض لا غداله بالجو صياح

عز الله انك عقوبه هههههههههه

صح بدنك والعوض براسك يالامير

امرح خلاوي ماعرف وين داره***الجوع ساقه لاخدعني ولاخان

لو الطير يسمع البيت هذا وهو فيه من السطاره مثل ماقلت عزالله انه غير يجيك معود

الله يعوضك ويرزق بالطيب منه

قصيدة شاعر صقار بارع بكل الثنتين