قبيلة بني رشيد - لاتناظرني بعين الشوق وعيوني حزينة

لاتناظرني بعين الشوق وعيوني حزينة
خلنا نعشق سوى ولا نعيش الاغتراب

كلما جتني عيونك حطمت روحي السجينة
غربت فيني كلامي وابتدى صوت العذاب

لاتناظرني كفاني نظرتك مثل السفينة
ماقوت تاصل بحوري واغرقت وسط الضباب

الحزن غطا حياتي والوله يفقد حنينه
من بعد فرقا الحبايب انطوى ذاك الكتاب

لاتناظرني وناظر دمعة العين الحزينة
لاتلفت في وصوفي للاسف صارت شهاب

الحبيب اللي احبة فارق اطياف المدينة
وارتحل عني ولون دنيتي لون الغراب

لاتناظرني طلبتك مابقى فيني سكينة
ماابي المح عيونك وافتكرطيف الذهاب

خلني ابكي خفوقي وانصف احزاني الدفينة
وانبث قبور المحبة لوبقت تحت التراب

لاتناظرني وقلبي انفجرعالي بطينة
للاسف اني لغمتة بالعشق تحت السحاب

كنت احسب ان المحبه كالذهب واصرخ ثمينه
ماتقدر بالممالك والذهب واعلى نصاب

لاتناظرني طلبتك انتهت نفسي الحزينة
للاسف قلبي تفتت بالنظر منك وطاب