قبيلة بني رشيد - يا بحر 00 فيني من الحزن 00 كثر مافيك 00

يا بحر 00 فيني من الحزن00 كثرمافيك 00
من حزن 00 واوجاع 00 وغياب 00 وغرايب!!

لاتلومني إليا شفتني 00 دايم اجيك 00
ولاشفتني دايم 00 على الشط ذايب!!

حزني كبير 00 اكبر من حدود 00 شاطيك 00
واقسى من 00 جروح الزمان 00 العطايب!!

وان كان تنشدني فانا 00 مااقدر اخفيك 00
دايم اظن 00 ويطلع 00 الظن 00 خايب!!

في هالزمن 00 اقرب حبايبك 00يشقيك00
الين تدفع في غلاه 00 الضرايب!!

من بعد هذا 00 يبتعد 00 عنك 00 ويجفيك 00
ماكنه 00 بجنبك 00قضى الوقت 00طايب!!

والا 00 الخوي اللي توقعت 00 يفديك 00
يفديك عمره 00 لاغدت بك 00 نشايب!!

صد 00 وتصدد 00 مايبي 00 سمع 00 طاريك 00
وياما 00 انت 00 دونه 00 اتعبتك 00 الطلايب!!

لا تقولي 00 بدري 00 وتوك 00 ويمديك 00
وتعال 00 واسمع باقي الهرج 00 صايب!!

خلك بحالك 00 واطلب الرب 00 يهديك 00
ولاتنشد اللي غاب 00 وين انت 00 غايب؟؟

وان شفتني غايب 00 عن حدود 00 شاطيك 00
اعرف تراني 00 تحت 00 ذيك 00 النصايب!!

واعرف تراني 00 دايم ان ضقت 00 بآجيك 00
لاني 00 انا 00 والموج 00 صرنا 00 حبايب