قبيلة بني رشيد - عند الكرامه ابيعك وانت خابرني .... قصيده روعه

اعجبتني هذه الابيات للشاعر عطا الله فرحان واحببت نقلها لكم علها تحوز على اعجابكم

اتعبني الحلم ليـن الواقـع انكرنـي
كني مسكت الفرج بيـدي وهديتـه

. مافي داعي على فرقـاك تجبرنـي
حتى الجفا منـك ولعنـي وحبيتـه
.
الجـرح عـدا زمانـه لاتذكرنـي
هـذاك وقـت تعذرتـه وجافيتـه
.
لوشفت دمع القصايد كان تعذرنـي
تصور ان الشعر يضحـك وبكيتـه
.
ماغيرونـي ياكـود الله يغيـرنـي
كم واحد عنـك يبعدنـي ورديتـه
.
وفيت وادري وفايـا مايصغرنـي
صوبت يم الهدف لاكنـي اخطيتـه
.
من طار سرب الغلا والشوق طيرني
شف ماعلى الارض واحد ماتعديتـه
.
خذني على صدرك الدافي وسيرنـي
بعض الولع ياخذ الرجال من بيتـه
.
ابنشغـل فـي عيونـك لاتدورنـي
ودي بشـي اشوفـه مابعـد جيتـه
.
خليت قلبـي معـك والله يصبرنـي
مبطي وانا اقول قلبي ويـن خليتـه
.
اشتقت لك مابقيتك عـاد تشكرنـي
تغيب والشوق ماعمـري تباطيتـه
.
ماخذ على خاطري والبعد قاهرنـي
مدري شسوي وانا كل شي سويتـه
.
العام يوم الوعد تسبـق وتنطرنـي
مستغرب شلون هالموعـد تناسيتـه
.
وين انت رايح ولا كنـك معبرنـي
ماكني الـي علـى العالـم تمنيتـه
.
لاصار هذه علومك راح تخسرنـي
ماعمر احد راح من كيفـه وناديتـه
.
عند الكرامه ابيعك وانـت خابرنـي
الله وكيلك ترى كـل شـي مريتـه
.

وكانه هجر بالسلامه روح واهجرني
اخـوي لاصـد عنـي ماترجيتـه

لاتنسووون الردوود