السلام عليكم ورحمة الله وبركاته

يربع العمده يعاتب معزب الضيفان يوم اهداه يقوول ماهي قد المقام

واليوم انا اعاتب العمده يوم اهدا الصعلوك وهديت معزب الضيفان
احسن من هدية العمده بالف مره العمده وقف معه الصعلوك
وضاح اليمن والبرمكي خلوها ثرثره والا الصعلوك الشهد بالله انه داوى المعزب

واليووم العمده لازم يعتذر لصعلوك بقصيده
ويغير الهديه يهديه مثل الأومرأ والا لايهديه
هههههههههههههههههههههه
ضحكه يمكن تخففف على العمده لنه كلام قوي ههههههههههه

الله يستر السمع السمع يالعمده

لاواخسـاره فزعـة الصعـلـوك ثمنـهـا بخـيـل=خلاقان ماتسـوى لهـا طيـرً يرفـرف بالجنـاح
ان كان تبغا تهـدي الصعلـوك لاتهـدي قليـل=فزعته تسوى يارفيقي ذود من حمر وسلاح
انا اشهد انه ياقـف بوجـه المعـادي مايميـل=يومـن وضـاح اليمـن والبرمـكـي زادوا نـبـاح
وقفته مثل الزيـر يـوم كليـب مغـدور وقتيـل=اليا وقف ما يحسب احساب البنادق والرماح
ماضنتـي يالعمـده اليلـه تـبـا تلـقـى زمـيـل=هديتـك عوجـا ولازم تعتـذر مـامـن سـمـاح
لازم تغيـر هالهديـه والعـذر مـا هــو كفـيـل=وتراضي الصعلوك قبل الموت يزرقـك بصيـاح

اقتباس من مشاركة شاعر الصعاليك (المشاركة 2744605) أهب الله يصلط عليك يا قناص أنت من وين طلعت هههههههههههه صح لسسانك ، وعز الله أنك عمدة اصلي ههههه وأبو تركي لو بس يسلم علينا يسوى شي واجد ، اجل كيف وهو مهدي كسوة شيوخ هههههههههههههه

اقتباس من مشاركة ابو شرق (المشاركة 2744618) صح السانك يالقناص والعمدة لاتشغلونه بالاسبوع هذا ماهو فاضي عنده شغيلات حساسة ولايقضي من شغله الا يوم الجمعة

اقتباس من مشاركة ابو شرق (المشاركة 2744640) يالقناص العمده شايب ن بتالي عمره وابشرك فيه الضغط والسكر والقولون والرمتيز والقحيقحان والرميرم والهويجر ولا بقاله من العمر كثر ماراح ويمكن تحصل منه امور ماهي متوقعه منه والعتب على السن وعلاجات الطبيب اللي امرجة بعقله مير انا طالبكم طلبة لتعفون عنه وتمسحونها بوجهي واللي تبون من العمدة خوذوه مني