الـــمــســك
خــلاص انتهينا والسبب حضك المقرود=مادام الحواجز فيه مابينك وبيني
اقول الحقيقه والحقيقه عليها شهود= كـــلامـن سمعته منك ماعاد يرضيني
اعرفك شجاع وكاملن بالوفى والجود=شجاعتك فـي مـاضي زمـانـك تكفينـي
سهرت السنين الماضيه والعباد أرقود=تجيبك حلوم الليل والـهـم طاويني
انا لا ذكرت المسك والعود والكنبـود=هـذاك الزمـان اليا ذكرته يبكيني
زمان السعادة والفرح باليال الـسود=قضت وانتهت واليوم وينه وانا ويني
انـامـاتغير بس قلبي مـنـه مـلهـود=وهو مادري انـه بالخفى لا عبن فيني
تزاحـم على مـن الهواجيس دون حـدود =هو اللي بها الدنياعن الناس معميني
عـقـب مالقيته فيه شين مـنـه مفقود=فقدته وحـدر صـافي الـدمع مـن عيني
سعادة عيوني في عيونه مطر ورعود=تباشير عمري فـرحـتي واجـمـل سنيني
سألته برب البيت والواحدالمعبود=يـصـدق كـلامـي قبل يـاخذ و يعطيني
رجعت لطريقي كل همن على يزود=وحـبـه بـقـلبي مـاشين فـي شـرايني

الشاعر غنيمان الرشيدي ابواحمد