عذبتنـي يابـو الرمـوش المضاليـل=وإن كان ضعت أنت السبب في ضياعي
عينك تنـام ودمـع عينـي هماليـل=أبكي نهاري وأقضـي الليـل واعـي
ذوقتني الحرمـان والحـزن والويـل= أنا أشهد أنك ظالم ٍ ما تراعي
وريتني أنواع القهر والغرابيل = وأخلفت ضنـي يا حسيـن الطباعـي
صبرت بس الحيل ماعـاد بـي حيـل=من جور ظلمك بي تزايـد أوجاعـي
ومدام هاذي مـن هـواك المحاصيـل=مجبور أقول لك يـا حبيبـي وداعـي
وإحجز على لنـدن تذاكـر وترحيـل=وآخذ بـدال القلـب قلـب صناعـي
قلب صناعي مابه إحسـاس ويميـل=وظيفتـه للـدم يعـطـي اندفـاعـي
وعلى قناة الحـب مـا فيـه تحويـل=وعن حب كل الناس منـه امتناعـي
والقلـب الأول لـك ألفـه بمنـديـل=وأقول هذا القلب مـا منـه داعـي
هذا الذي شـاف العنـا والبهاذيـل=هذا السبب في حسرتـي والتياعـي
خذه دامه مـا يبـي عنـك تبديـل=هديـة ٍ يابـو العيـون الوسـاعـي
ولا تحسب إنه من قلـوب المهابيـل=بالعكس مخلص ما يعـرف الخداعـي
وأرجوك اعمل لـه إشاعـة وتحليـل=حتى تعـرف إنـه قليـل المساعـي
إكشف عليه القسم الأيمـن مراسيـل=صورتك فيه ويحمل اسمـك رباعـي
والقسم الأيسر بـه غـرام ومواويـل=شوقي وحبـي لـك وكثـر اندفاعـي
وإذا اقتنعت احرقـه وأغرقـه بالنيـل=قطعت لحم ما عـاد منـه انتفاعـي
هاذي نهايـة حـب يبـدأ بتمثيـل=فرقا بعدهـا مـا يصيـر اجتماعـي