ياللي بوجهك ترتسم كل الأحزان =من كثرها كنّك وكيل التعاسه
أنا ادري أنك مرهف الحس وانسان =رقيق. والأيام فيها شراسه
أحدٍ معاناته معاناة حرمان =واحدٍ معاناته رهافة احساسه
يا مغرق المنديل من دمع الأعيان =خلّيت للمنديل عندي قداسه
أحيان أضمه.. وافتحه بعض الأحيان =مثل المطر عقبه تزين العساسه
تعبت أقارن بالظمأ لدن الأغصان =انظرك دمعه.. واحتفظ فيك ماسه
تعال واعيوني تضمك بالأجفان =يذكرك ماء عيني وينسى نعاسه
شعور راقي.. بانتظارك ووجدان =خفضة جناحك لك مثل رفع راسه
لا تشكي الغربه وقلبي لك أوطان =خالٍ بدونك.. وانته أهله وناسه
ما ننطق الكلمه على غير برهان =ولا نرفع الرايه بليا حماسه
بطيف الحياه معاصرٍ كل الألوان =شيٍ بعد خبره.. وشيٍ دراسه
حبيبي الغالي حياتي (على شان) =اسقيك كاسه.. وارتوى منك كاسه

أحـدٍ معاناتـه معانـاة حـرمـان=واحـدٍ معاناتـه رهافـة احساسـه